PR No 1/2024-2025.
Lawngtlai Dt. 4th April, 2024: Tukin zing khan Pu Cheemala Siva Gopal Reddy, Caretaker, Lai Autonomous District Council leh Deputy Commissioner, Lawngtlai ni bawk chuan, Lawngtlai khawpui chhung faina leh thianghlimna kawnga hmasawn dan tur leh LADC Sanitation Department hmalakna te, veng hrang hrangah kalin a hmunah an thlir ho.
LADC Caretaker chuan, Lawngtlai khawpui thianghlimna kawnga hmasawnna leh in enkawlna felfai zawk neih a duhthu sawiin, ram mipuite hriselna leh thianghlimna kawngah hma kan sawn ṭul atih thu a sawi bawk a. Mipuite pawhin Sorkar hmalakna ṭawiawm a, kan Khawpui vawn thianghlimna kawngah kan ṭanho aṭul hle a, Dawr leh leh ei-leh-in zuartute pawhin, kan thil zawrhte uluk tak leh thianghlim taka kan enkawl aṭul a tih thu a sawi.
LADC Sanitation Department hmalakna chu ṭha viau mahse, tih hmasawn erawh a la ṭul atih thu sawiin, thil ṭul leh pawimawhte a enkawltu Department-te nen la sawiho a hmalak ṭha atih thu a sawi bawk.
LADC Caretaker hi, Pu HC. Vanlalruatpuia, Senior Sanitation Officer, Pu C. Lawmsangzuala I&PRO, Pu Malsawmtlunga Hlawnchhing S.E. PWD, LADC te’n an ṭawiawm a ni.
Written & Published by; I & PR Department LADC Lawngtlai
