INFORMATION & PUBLIC RELATIONS DEPARTMENT,
Lai Autonomous District Council, Mizoram
TUICHHAK TLANG DUNGAH CEM PU V. ZIRSANGA ROPUI TAKA CHAWIMAWI A NI.
"Kan unau rilṭam te hi eitur kan pe tur a ni. Kan unauten ei leh in tur an neih loh chuan 'kan ei leh in tur ngei pawh hi ' kan pe dawn lawm ni?!"
—V. Zirsanga CEM, LADC
NO.40/2021
Lawngtlai, the 29th September,2021: Nimin 28.09.2021 (Thawhlehni) atang khan Pu V. Zirsanga Chief Executive M ember, Lai Autonomous District Council (LADC) chuan Tuichhak tlang dung fangin khaw hrang hrang a fang a, ropui taka lo hmuah/dawnsawn a ni.
Pu V. Zirsanga CEM hi, South Lungpher khawtlang chuan ropui taka lo hmuakin: CEM leh amah tawiawmtu EMs te lawmpuina thilpek an hlan a ni.
Tin, Sangau khawtlang pawhin Pu V. Zirsanga CEM hi Tourist Lodge ah lo hmuakin,Ropui takin pangpâr ṭhi te nen amah rawn tawiawm tu, a nupui Pi F.Siamthangpuii leh Executive Members - Pu L. Daniala, Pu B.N. Thangpuia leh Pu JB Vanhoy te hi lawmpuina an hlan bawk, a ni.
He hunah hian, Pu V.Zirsanga CEM chuan thusawiin, Tuichhak tlang dung a fan chhan chu, Myanmar buaina avanga Raltlante dinhmun a hmun ngeia tlawh a, hriatchian a duh vang anih thu sawiin, “Ram chuan ramri a nei a, kan in unaunaah leh thisenah erawh chuan ramri a awmlo; khawngaihna, hmangaihna leh lainatna nen kan u leh naute hi lo enkawl a, ei leh in,silh leh fen ,an mamawh ang zel a tanpuiin; Kan unauten ei leh in tur an neih loh chuan 'kan ei leh in tur ngei pawh hi' kan pe dawn lawm ni? Ei lo va, ril tama kan unaute an awm hi kan remti ngai dawn lo, i tuamhlawm zel ang u,” tiin khawtlang mipuite chu a ngen/chah nghal bawk a ni.
CEM chuan, “Thawhhona tha tak hnuaiah rualkhai takin kan kal zel dawn a, party anga kan thawhhonaah pakhat a ni tlat zel dawn a ni.Thil kan tih reng rengin bialtu MDC te remtihna tel lo chuan engmah kan ti lo vang, dik leh fel takin rorel kan tum a ni’’, a ti. Tin, ropui taka a phuloh duhsakna chang a, pangpar thi nena an lo hmuahnaah te leh, lawmpuina thilpek leh Par thite, zawn te hial a tawk chu lawmawm atih takzet thu a sawi bawk.
Pu V. Zirsanga CEM & Adviser nibawk chuan, Pu C. Hranghnuna South Lungpher khuaa Congress Unit Secretary nilai chu MNF Party ah lawm takin alawmlut nghal a ni. Tin, CEM in South Lungpher YLA te leh LWA te hnenah Rs. 10,000/- ve ve a pe bawk.
Pu V. Zirsanga CEM hi a nupui Pi F.Siamthangpuii leh, Pu L. Daniala EM (PS), Pu BN Thangpuia EM (Art. & Cult), Pu JB Vanhoy EM (SW) te leh, LADC Officials Pu Alex Lalzawmpuia Hindi Propagation Officer, (HPO) LADC, Pu Zirliantluanga Tinthe Revenue Officer (RO), Sub. Hqrs., Bualpui (NG), Pu PC Chuaudinga Library Asst (Art & Cult.) LADC leh MNF Dist. Hqrs., Lawngtlai atangin Pu Kapchungnunga General Secretary leh Pu H. Lalhmingmawia General Secretary ten an tawiawm a ni.
Written & Published by: I&PRO, LADC
