Lawngtlai, Dt.29th April, 2024 Zingkarah LADC hnuaia thawktute chuan, LADC Day pualin, Lawngtlai khawpui chhung veng hrang hrang hmun pawimawhah insem darhin, faina hnatlang an thawk.
He faina hnatlang thawk tur hian zingdar ruk(6)ah Areopagy Lawngtlai Bazar-ah chhuakkhawmin, heta tang hian veng hrang hrangah Department hrang hrangte chanpual insemin hnatlang hi thawh a ni.
He hnatlang thawh hi, Pu Cheemala Siva Gopal Reddy, LADC enkawl lailawktu (Caretaker) nimek Lawngtlai DC ni bawk chuan telpuiin, LADC kan nei thei hi thil lawmawm tak a ni a, Lairam mipui zawng zawngte LADC Day chibai ka buk vek che u a, LADC thawktu ten, vawiin a, kan District khawpui ber tihfai hnatlang kan thawk thei hi a lawmawm tak zet a ni, faina kawngah hma I sawn zel ang u, a ti.
He faina hnatlang hi, Pu L.Z.Tluanga, Joint Secretary (GAD) kaihruaina hnuaiah thawh a ni a, LADC hnuaia thawktute thahnem takin faina hnatlang hi an thawk a ni.
LADC hi, kum 1972, Mizoram Union Territory-a hlankai a nih kum khan, Mizoram chhimlam, Pawi-Lakher Regional Council huam chhungah Lai, Mara leh Chakma Automous District Council pathum a lo pianga, chumi ni, April 29 chu, LADC day atan hman thin alo nita a ni.
Written & Published by; I & PR Department LADC Lawngtlai
