LADC DAY VAWI-52 NA PUALA CHIEF EXECUTIVE MEMBER PU V. ZIRSANGA'N LAIRAM MIPUI TE HNENA CHIBAI BUKNA LEH THUCHAH.

Ladc Day Dt. 29.04.2023 (Vawi 51)-na min hruaithlengtu, Pathian hnenah lawmthu ka sawi a; He ni ropui leh lawmawm tak ah hian Lairam chhunga cheng mipuite leh Khawvel hmun hrang hranga laifa awmte chibai ka buk a che u.

Lai hnam hi hnam ropui leh lian tak nimah ila; Ram inrelbawlna hrang leh ramri avanga then hran in kan awm a, India ram chhungah hnamtlemte niin, Pathian leh Ram hruaitu hmasate avangin chimral kan nih loh a,kan hnam zia leh rang, tawngte humhalh thei tur leh hmasawnna kawng zawh ve thei a kan awm hi a ropuiin a hlu hle a ni. 

Kan ram leh hnam tan a an thiamna, theihna leh hun hlu tak lo senga, thi leh thau pawlha Lai ram leh hnam din chhuah ve na tur a bei tu kan hnam hruaitu hmasate kha zahna chibai kan buk nawn leh a, he LADC day ah hian Lai ram leh hnam aiawh in lawmthu ka hrilh nawn leh a ni.

LADC hi Lai hnam tan beiseina siamtu leh Lai hnamte inpui a ni a,Ladc hi Laifate leh Lairam chhunga cheng zawng zawngte tan malsawmna a ni chunzawm zel dawn a ni. 

Tun hun erawh nang leh kei a hun a nih tawh avangin, he ram leh hnam humhim leh hmasawn pui hi kan mawhphurhna a ni a, kan hnam, kan ram, tawng leh zia leh rangte hi a boral a, chimral a nih chuan nang leh kei a thiamloh a ni ang. Chuvang chuan mahni hma zawna kan tih tur theuhte rinawm leh tha takin thawk ila, kan u leh nau hnam ze hran leh tawng hrang hmangte chhawmdawl zelin,he hnam siamtu Pathian duhdan angin Ram leh hnam tan i thawk zel ang u.

Lai ram leh hnam Pathian in malsawm rawh se.

V. ZIRSANGA

Chief Executive Member

Lai Autonomous District Council

Lawngtlai