INFORMATION & PUBLIC RELATIONS DEPARTMENT. LADC, LAWNGTLAI 

FEBRUARY NI 2, 2021 khan 11th Lai Autonomous District Council-a Deputy Chairman atan Sangau East Bialtu MDC Pu BN.Thangpuia chu chuhtu awm lova thlan tlin a ni. 

Pu L.Daniela chuan Deputy Chairman atan Pu BN.Thangpuia chu propose in nimin khan nomination hi a file a. ni 2.2.2021 khan Pu V. Zirsanga Chairman kaihhruaina hnuaiah Deputy Chairman-hi thlan niin Pu BN.Thangpuia chu chuhtu awm lova thlantlin a ni.

House Leader Pu Manghmunga Chinzah chuan, District Council pawh fuke kim a, a kal chhoh zel theihna tur kawng pakhat chu Deputy Chairman neih hi a ni a. Deputy Chairman atan kan thlan tak Pu BN.Thangpuia hi pa rintlak leh mi tumruh tak mi a ni a. Ram leh hnam tan hna a thawhna kawng ah duhsakna ka hlan a. House ah pawh rorelna lai taka kalpui turin duhsakna ka hlan a ni, a ti.

Opposition lam atangin Pu C.Muanthanga chuan thusawiin, Deputy Chairman thar atan thlan tak Pu BN.Thangpuia chu a lawmpui rualin, rorelna dawhkan kiltu te pawhin Pathian duh dan hre reng chuanga rorelna kalpui theuh turin a sawm bawk a ni.

Deputy Chairman thar Pu BN.Thangpuia chuan, hetiang dinhmun ka luah thei hi lawmawm ka ti a. Ram leh hnam hmasawnna tur kan relna kawngah pawh dik taka kalpui anih theihna turin hma ka la zel dawn a ni, a ti bawk.


I & P R - LADC

Post ID 03022021-1130
Archived for reference
Posted online by Collins Ngurnunchhunga AIPRO