LADC EXECUTIVE SECRETARY LEH DEPUTY COMMISSIONER TEN INKAWMNA AN NEI

Lawngtlai, 17^th October 2019. Vawiin khan LADC Executive Secretary Pu H. Lalramenga leh Lawngtlai Deputy Commissioner Pi Shashanka Ala, IAS ten Executive Secretary office chamber-ah inkawmna an nei. He inkawmna ah hian GAD leh Department thlanbik atangin officers te telin LADC kalphung, inrelbawl dan leh inenkawl dan te inhrilh ani a, LADC leh District Administration inkara thawhhona leh inpawhhona thazawk a awm theihdan tur te sawiin hun tha tak hman ani. Deputy Commissioner Lawngtlai-in Lai Autonomous District Council a tlawh chhan hi Mizoram Governor atanga LADC kalphung, post hrang hrangte leh administrative set-up zirchiang tura tih anih angin a tlawh ani.

Deputy Commissioner hian vawiin ah LADC hnuaia Department engemzawzat tlawhin staff te nen interaction neih ani a, DC hi LADC atangin Pu L.Z. Tluanga Dy. Secretary (GAD), Pu B. Lalhnuna Under Secretary, Pu Lalnunzawmpuia, Superintendent (GAD), Pu Collins Nbgurnunchhunga, AI&PRO ten an tawiawmin District administration atangin Pi Rochuangkimi Khenglawt, SDO (Sadar) in a tawiawm bawk ani.

Governor’s instruction anga crucial post identification leh staff organizational system hi karleh ni nilaini thleng kalpui ani anga, hemi hunchhung hian Lawngtlai DC hian LADC hnuaia Department hrang hrangte a tlawh dawn ani.