INFORMATION & PUBLIC RELATIONS DEPARMENT
LAI AUTONOMOUS DISTRICT COUNCIL
LAWNGTLAI
PR.No.13.2023-2024
LADC Finance & Account Department Office Building sak thar, Pu V.Zirsanga CEM in a hawng
Lawngtlai, 6th June 2023:- Pu V.Zirsanga, CEM, LADC chuan, LADC Finance Account Department Building Rs, 167.44 lakhs senga sak chu a hawng.
Pu V.Zirsanga CEM chuan thusawiin, LADC sorkar hmasain kan mamawhna hriain bul an lo tan, LADC Finance & Account Office Building hawn theiha peih fel a lo nita hi a lawmawm ka ti tak zeta, LADC ah hian thawktu kan pun belh ve zel avangin building leh roomte pawh kan mamawh belh zel ; kan mamawhna phuhruk tumin Revenue collection leh hmundang atangin sum hmuh theihna tur kawng kan dap thin a,vawiina LADC tana rotling (assets) thatak mai kan neih belh thei leh LADC In ama thawhchhuah ngei (Own Revenue Collection) atanga sak Building thar kan nei ta hi hmasawnna ropui leh hlu tak a ni a ti.
CEM chuan he building sak puitlin a nih theihna tura thawktute thawhrimna leh tax leh Revenue khawn chhuah kawnga theihtawp chhuahtutue chungah lawmthu sawiin; He building sakna hi mipuite chhiah pekkhawm atang sak anih angin,mipuite ta a nia, a chhunga thawktute pawhin mipuite tan rawngbawltu leh thawktur an niih in hre thar leh turin a chah bawk. LADC a MNF sawrkar chuan mipuite chhiah pek khawm hi mipui leh ram tana chenfakawmtakin a hmang zel a, Asset lian tak tak din turin sum tam tawk lo thin bawk mahse, LADC in sum a neih ang angte chuan Ro tling siam a tum zel dawn a ni tih a sawi bawk.
He inkhawm hi, Pu H.Lalruatkima, Executive Secretary, LADC chuan kaihruaiin, Pu V.L.Hmuaka,Chairman,LADC leh Pu C .Hrangthianga,Executive member/c Revenue Dept chuan lawmthusawina leh fuihna thu an sawi bawk.
Pu C.Malsawmkima Sr.Asst Engineer, LADC chuan Technical report a pe a, Finance & Account Department Building hi zopa chhiara chhawng nga a ni a,chhawnglite hi office a hman tur ni in, a chung ber hian Audit Hall a awm a ni. He building hi kum 2018 August atang khan sak tan a ni a, kum 2023 February ah sak zawh niin, Rs, 167.44 lakh senga sak zawh a ni.
Written & Published by: I&PRO.LADC
