INFORMATION & PUBLIC RELATIONS DEPARTMENT,
Lai Autonomous District Council Lawngtlai.
PR No. 28/2023-2024.

LADC FOOTBALL ACADEMY 2023 3RD BATCH LAKLUHNA LEH JERSEY TLANGZARHNA PU C.HRANGTHIANGA E.M. (SYS) LADC IN A NEI

Lawngtlai Date 16^th Sept.2023: Tukin zing khan, SYS Department LADC chuan, Football Academy 3^rd Batch zirturte lakluhna hun hmangin, Pu Lalduhzuala, ASYO in kaihruaiin R.Vanlalpeka, Coach in report a pe a, Pu C.Hrangthianga E.M. i/c, SYS LADC hovin CYLA playground-ah neih a ni.

Pu C. Hrangthianga E.M. SYS, LADC chuan fuihna thu sawiin infiamna a hlawhtling tur chuan thuawina leh insum theihna a pawimawh tih thu sawiin, he Academy a naupang lut thar turte pawh thuawihna nen thilthalo ruihhlo laka inthiar fihlim tur leh taimak leh tumruhna nen theih tawp chhuah zel tur turin fuihna thu asawi hnuin
Pu C. Hrangthianga E.M. chuan Jersey a tlangzarh nghal a, chumi hnuin, Sports & Youth Officer Pu T. Hmangaih Johana pawhin Dream Team (Under 12)te Jersey a tlangzarh ve bawk. Jersey-te hi Academy naupangte hnenah hlan nghal an ni a, tun Batch-a zirlaite hi kum 3 chhung an hrual dawn a ni.
Tun 3^rd Batch Amateur Team-ah hian lut thar 34 awm in Dream Team-ah hian 26 an awm bawk. He Academy hi R.Vanlalpeka Coach leh Lalnunpuia Asst. Coach te'n an enkawl a ni.

Sixth Schedule Premier League 2022, Bodoland (Assam) a neih tak ah khan LADC Team-te hi Runner-up an ni a, kha mi lai a player tam zawkte kha, he academy naupangte hi an ni. Tin, kumin March thla a Kolasib-a neih tak 2022-23 MFA inter District U-17 Championship-ah khan Lawngtlai chu champion an ni a, he Champion Team a naupang tam zawk pawh hi he Academy zirlaite an ni bawk.

Written Published by: I &   PR Department LADC Lawngtlai