INFORMATION & PUBLIC RELATIONS DEPARTMENT
Lai Autonomous District Council
Lawngtlai.
PR No.64/2022-2023
LADC Golden Jubilee grand Celebration Nikhatna tluang taka hman a ni
Lawngtlai, 22 Nov 2022: Vawiin khan Lai Autonomous District Council Golden Jubilee (Kum 50na) Main Celebration ni khatna chu CYLA Playground, Lawngtlai-ah hman niin Pu H. Biakzaua MLA, Vice Chairman, Agriculture Development Board chu khuallian niin, Pu Lalmalsawma Zasai, Dy. CEM, MADC chu khualzahawm a ni bawk.
Pu H. Biakzauva, Vice Chairman Agriculture Development chuan thu sawiin, kum 1953 ah Pawi - Lakher Regional Council chu pek kan ni a, kum 1972 ah Pawi Autonomous District Council pek kan ni a, kum 1988 ah Pawi tih chu Lai tiin thlak ani leh ta a ni tih sawiin, hmasawnna hrang hrangin kan ram a tuam mek zela, chutih lai chuan, kan hnam leh ramah kan chian a ngai hle ani tih sawiin, hnam leh tawng khawvelah tam tak aral tawh a, keini ang ram zim bawk si, hnam tlemte mahnia ro inrel thei tura Pathian duhsakna kan chang hi a hlut zia kan hriat chhuah a tul hle. Hnam changkang leh fing apiangin an hnam chawimawina chang an hriat an zahpui ngai lo, engtin nge hma kan sawn ang tih ngaihtuah zawk thin, an ziarang leh nihphungte an humhalh zawk thin, kan ram chhunga natural thilte hi humhalh nachang kan hriat a hun tawh hle, kan ram zimteah hian Ramngaw kan la nei nuala, heng kan ramngaw neih chhun ang angte hi duat taka kan enkawl a ngaia. kan Lui dunga nungchate Ramngaw leh tlangte hi a enkawlna kawngah hian tan kan lak angai nasa hle a ni', a ti bawk.
Kan ram hian zirna kawngah hmasawn kan mamawh, tan kan lak angai tih sawiin, ‘kum 50 chhungin IAS pawh kan la nei lova, UPSC, MPSC ah kan tling thei meuh lo, National level ah emaw Mizoramah pawh nise, zirna mai bakah kan thalaite talent neihte haichhuak a,ram leh hnam tan theih tawp kan chhuah atul ta hle, Kan hnam tawng, kan Lai thuam leh kan hnam ziarangte hi humhalh chhunzawm zel ila, Laifate hi khawvel zau zawkah dak chhuak thei turin, zirnaah tan kan lak thar zel loh chuan, hnam dang leh ram dangte kan umphak lo thuai mai ang tih a hlauhawm a, thangtharte hian rual elna chang kan hriat atul hle, hmasawn kan sawn zel theih nan, mipuiin sorkar dinglai i thlawp thiam ang u, tih sawiin, ‘Pu Zoramthanga Chief minister kaihhruai sorkar chuan kan district min duhsak hle in ka hria a, kan District tan, Sport Infrastructure, tui in tur hnianghnar kan neih theih nante, supply lamah te leh kawng hrang hrangin hma min laksaka, hmasawnna ruhrel engnge mawzat thawh mek a awm mek bawka, chuvang chuan Kohhran leh Political Party hrangah awm mah ila, Kan ram leh hnam hmasawnna tur anih dawn chuan, rilru hmunkhat neiin in pumkhat tlat zel ang u, a ti bawk.
Pu HC.Lalmalsawma Zasai, Dy CEM MADC Gues of Honor pawhin thusawiin, LADC Sorkarin Golden Jubilee hlu tak mai Ropui tak leh hmanchang hre tak maia, in lawm thei hi Ropui ka ti a, LADC Sorkar hruaitute pawh ka fak che u, Pu Zoramthanga CM duhsakna zarah ADC ten hmasawnna kan hmu thin a, hmasawn zel tur pawhin theih tawp kan chhuah anga, dinhmun tha zawk leh sang zawk nei thei turin theih tawp i chhuah zel ang u, LADC mipui zawng zawngte Golden Jubilee chibai ka buk vek che u tiin, lawmpui thil pek Pu V.Zirsanga CEM hnenah a hlana, MADC Sorkar hruaitu thenkhat in an rawn tawiawm bawk a ni.
Pu BN Thangpuia, E.M. i/c Art&Culture Dept, Organizing Committee Chairman ni bawk chuan inlawmna thu sawiin, Pu H. Lalruatkima, Executive Secretary, LADC chuan report a pe bawk.
He hunah hian LADC Sorkara Executive member leh MDC te bak ex-CEM, Ex MDC te Officer leh thawktute mai bakah Pension tawhte an tel tha hle a, NGO hrang hrang leh Zirna inte bakah chanvo neite Lawngtlai District chhunga Officer, leh mipui an tel tha hle a, Prog tluang taka hman niin, LADC Golden Jubilee lawm tura lo kal zawngte hnenah LADC Sorkar chuan lawmthu an sawia, Dt 23.11.2022 ni hnihnaah pawh tel leh theuh turin an sawm bawk a ni.
Written & Published by: I & PR Department LADC Lawngtlai.
