February ni 4, 2021 (Ningani):- Laifa thalai tam zawkten Central lel Civil Service hnuaia an luh theihnana Lai Autonomous District Council hnuaia din - Financial Support to Civil Services Aspirant Committee (CISACOM) result chu tihchhuah ani.
Tunhnai maia Lai Autonomous District Council-ina a examination a buatsaih result chu tihchhuah tak niin hemi atana LADC in financial & moral support a pek tur mi pathum te chu lawmpuina leh an kal zelna tura fuihna thuchah leh lawmpuina LADC Executive Secretary Pu H. Lalramenga Office Chamber-ah neihpui an ni a, he hunah hian hian Kohhran hruaitute atangin Dr LH. Lalpekhlua hnen atangin malsawmna thuchah ngaihthlak ani a, Dr. Jankhongam Doungel hnen atangin fuihna leh Dr. Malsawmtluanga Fanchun hnen atangin lawmpuina thuchah te ngaihthlak ani. Pu LZ. Tluanga, Dy. Secretary GAD chuan an kal zelna turah fimkhur tak leh nun uluk taka kal turin leh District Council hming ti thatu ni zel turin a chah a, he hunah hian I&PRO Pu C. Lalrinzuala IPRO, Pu Collins Ngurnunchhunga AIPRO leh Pu Vanlalhnema, CEO Centre Superintendent ten tawiawm in an kal zelna turah duhsakna an hlan bawk ani.
CISACOM atana inziaktling tehi:-
Rebecca Lalramhmachhuanmawii
D/o Bismarck Lalramhmangaiha, Lawngtlai Bazar
C. Sangdingliana
S/o C.Hmangaihkima, Lawngtlai Bazar leh
J. Lalawmpuii
D/o J. Mangkama, Vawmbuk te an ni.
Heng Laifa thalai mithiam tehi Lairam Autonomous District Council sorkar chak tak chuan Civil emaw Central Service hna atana an an zirna atan theihtawpin moral leh financial support pe turin duhsakna sang tak a hlan ani.
Written by
Collins Ngurnunchhunga AIPRO
Written by Collins Ngurnunchhunga Asst Information & Public Relations officer
