Release Date: 2018-07-12 18:30:00

Lai Autonomous District Council Industry Department chuan Lawngtlai khawpui chhunga Handloom Self-Help Group te hnenah tanpuina sum a hlan. Executive Member i/c Industry Department Pu Lallawmsanga Apetow Office Chamber-a neih ah hun kaihruaitu Pu A. Zaithanga, District Council Industry Officer chuan Handloom SHG member kalkhawmte chu an dinchhan hre reng turin leh tan la sauh sauh turin a fuih a, tanpuina sum duh vang ringawta pawl indin lovin a tak taka hna thawk a, tun aia tam lehzuala Hnam puan te pawh tahchhuak turin a chah ani. Pu Lallawmsanga Apetow, Executive Member i/c Industry chuan thu sawiin Hnam puan tahchhuah lamah hma kan sawn chho zel ani ati a, Department-a thawktu Officer leh staff te thawhrimna leh inpekna zarah tun hun hi kan thleng thei ani tih sawiin, Hnam puan kan tahchhuah mai bakah mite tan eizawnna, employment kan generate ani ati a, tanpuina sum fai tamtak sem theilo mah se theihtawp kan chhuah a, handloom weaver te kan hre reng ani ati. LADC Industry Department hnuaiah hian Handloom SHG Cluster pahnih- Lawngtlai Cluster leh Vathuampui Cluster te a awma, heng cluster pahnih te hian Handloom SHG panga ve ve an nei a, Vathuampui Handloom Cluster hnuaia SHG te chu a sum faia pe lovin Solar panel, Inverter leh Back-up Battery te pek an ni. Hemi bakah hian Individual Handloom Weaver (Mahni inlama puan tah) hi Cluster pahnih ah hian mi 40 ve ve awmin heng mite pawh hi tanpuina sum an lo pe tawh bawk ani. Vawiina Lawngtlai Handloom Cluster hnuaia SHG tanpuina pek te chu:- 1) Lairam Women Development Handloom SHG, Lawngtlai 2) Esther Handloom SHG, L-III 3) Pizon Handloom SHG, L-I 4) Women Handloom SHG, Thingkah leh 5) Dingdi Handloom SHG, Bazar te an ni. LADC Industry Department hian Department enkawl Handloom Production Centre, Lawngtlai Electric Vengah neiin hetah hian Thawktu Designer pakhat, Instructress pathum, Puantahtu 16 leh Training lai mi 10 an nei a, Lai puan leh Hnam thuam chi hrang hrang tamtak an lo tahchhuak tawh ani.