Release Date: 1970-01-01 00:00:00

LADC MONSOON SESSION ZAWHFEL ANI Lai Autonomous District Council Sorkar Fur Thutkhawm (Monsoon Session) nihnih awh chu LADC Session Hall-ah tluang taka zawh ani. Session hi zing dar 10:30 AM ah tan niin LADC Chairman Pu V. Zirsanga'n Session a kaihruai a, ahmasaberah Chairman-in Pu H. Biakzaua chu a zawhna zawt turin a sawm a. Amaherawhchu, Opposition Leader, Pu F.Rohnuna rawn ding zawkin, MNF Legislature Party anga an Starred Question-te an hnuhdawhthu a rawn sawi a. Starred Question an hnuhdawh chhan chu, LADCSorkar-in kumkhat chhunglai Official Bill a siamloh vang anih thu a sawi ani. Chairman sawmna angin, House Leader Pu T. Zakunga, Chief Executive Member-in Official Bill siam a nihloh chhan hetiang hian a sawifiah a. Tunhma chuan Bill hrang hrangte Session-ah sawihova passed anih hnuin Miozram sorkar-ah vetting tura thawn thin ani a, Law and Judicial Department-in a vet hnuin Governor-in pawmpuina (assent) pein Mizoram Gazette-ah chhuah ani thin a. Kum 2016 atangin Mizoram sorkar-in Dan siamtu, Legislator-ten House-a an passed vek tawh ennawna siamdanglam thin chu a zahawm love, Bill reng reng House-a lay a nih hmain, vetting tihhmasak nise, chumi hnuin House-ah pharh nise an tih avangin Bill reng reng Distric Council & Minority Affairs Department kaltlangin, Law & Judicial Department, Mizoram-ah thawn alo ngai ta a. Mizoram sorkar-a DC&MA leh Law and Judicial Department lamah thil her danglam a awm avangin, Vetting chungchangah harsatna tenau a awm a, duh angin Official Bill pharh theih ani lo ani ati a, heihi District Council Autonomy tihtetna leh Dan pawh a insiam thei tawhlo tihna nilovin thil kalphung inthlank lai anih vang zawk ani tihsawiin, Chief Executive Member chuan zawhna thenkhat hnuhdawh ani chuan House a tizahawm lo palh ang tih a hlauh thu a tarlang bawk. MNFLeigislature Party-in Starred Question an hnuhdawhte chu, Un-Starred Question-a lutte tho niin ziakin a chhanna an pe vek tawh ani tih House Leader leh Chief Executive Member hian a tarlang bawk ani. Lai Autonomous District Council fur thutkawmah hian Starred question lutin pariat lutin chung zinga pali chu chhan an ni a, pali dang erawh withdraw ani a, private resolution pahnih lutin pakhatchu discuss anih hnu in House a paltlang zolova, pakhat erawh withdraw ani a, unstarred question panga lutin chhanfel vek ani. Hemi hnu hian Pu V. Zirsanga, Chairman-in LADC Monsoon Session chu tiamchin awmlovin a titawp ani.   AIPRO-LADC 31072018-1500