LADC NPS CHUNGCHANGAH VIDEO CONFERENCING NEIH ANI
Lawngtlai, August ni 27, 2020:- Vawiin khan Lai Autonomous District Council Finance & Accounts Department leh Pension Cell chuan online in National Pension System (NPS) chungchang ah Central hotute nen an inbia.
He inbiakna hi CEM's Conference Hall atangin video conferencing hmanga neih niin Ministry of Electronic & Information Technology hnuaia National Securities Deposit Limited (NSDL) hotute nen an inbia ani. Lai Autonomous District Council in pension scheme thar a adopt tak avangin national portal ah pension scheme thar hnuaia register leh update zel tawh tur ani a, CoViD-19 hrileng avangin zinchhuaka training neih te a rem takloh avangin vawiin khan online in training, report format information leh thildang pawimawh engemawzat sawiho ani.
Hetihlai hian LADC Finance Department hotute leh Nodal Officer for NPS Pu Joseph Lalhmingthanga chuan pension system thar hi september ni 1, 2019 atangin LADC in a adopt tawh thu sawiin hemi hnu lama regular appointment hmu thar te chu in report turin a ngen nawn leha, hei hi nakina pension chungchangah thawktuten harsatna an tawhlohna tur ani tiin ngaipawimawh turin a ngen ani.
Vawiina video conference hmanga inbiakna ah hian LADC Executive Secretary Pu H. Lalramenga chuan tel puiin Finance Department leh Pension Cell Officers leh corresponding officials te an tel ani. Tun dinhmunah NPS hnuaiah hian Finance Department chuan registration uluk takin a kalpui mek ani.
