PR No.18/2024-2025.
LAWNGTLAI May 6, 2024 - Lai Autonomous District Council hnuaia Office thenkhatte chu, Govt. Bazar Middle School leh Rosebud Middle School-te'n, "Twinning of School Programme" hmangin, Field Visit an nei a, heng School-a Zirlaite hi an Zirtirtute hovin, Pu C. Lalmuanthanga, CEM LADC chuan a lo dawng sawng a ni.
Pu C. Lalmuangthanga, CEM chuan, hetiang programme pawimawh a, LADC Office an rawn tlawh hi a lawmawm ka ti hle a, kan rama zirlai naupangte hian, kan ram leh hnam Office lian ber hi an hriatchian a pawimawh a, Zirtirtu te'n hetianga kan ram rorelna sangber zirlaite an tlangnelna tur leh hmun pawimawh an rawn tlawh pui hi a lawmawm tak zet a ni, a ti.
He programme hi, School Naupangte inpawhtlan zawkna tur atan ruahman a ni a, School pahnih Naupang te'n programme hrang hrang hmang hovin, chumi programme pakhat Field Visit programme atan chuan LADC Office hi an rawn thlanga, CEM LADC Office, LADC Session Hall, leh Elementary Education Officer Room bakah LADC Office Complex fan pui an ni a, Pu C. Lalmuanthanga, CEM LADC chuan, refreshment a lo tumsak avangin Zirtirtu leh Zirlai Naupangte an lawm hle.
Written & Published by: I & PR Department LADC Lawngtlai
