PR.No.54/2024-2025.

Lawngtlai, 2024 Hniang 14: Nihin ah Lai Autonomous District Council, Chief Executive Member  Pu C Lalmuanthang le  Assam Rifles Commandant, Lunglei Col. Jaswinder Singh hna cu ram humhimnak le mizapi himnak ding kong an ceih.

Pu C Lalmuanthang nih cun, Col. Jaswinder Singh, Assam Rifles Commandant, Lunglei nih a rak lenmi cung ah a lunglawmhbia a chim. Kan ram nih a ton cuahmahmi thil ah hin ho paoh kan i fimkaan cio a hau, International Boundary naih khuasa kan si hlei ah kan unau ralzaam zeimawzat an um, anmah hmang in thiltha lo aa thupmi a um khawh caah kan i fimkaan ngai a herh, tiah Assam Rifle haotu sinah a chim.

Col. Jaswinder Singh Commandant nih cun, LADC area cu International Boundary naih um a si, i tlawnkainak zong ah a fawizaang hlei ah Myanmar ram nih buainak an ton cuahmah lio a si caah mizapi an fimkaan a herh, mizapi he ram humhaknak ah tuankhatnak tha ngeih a herh ngai ko, tiah a chim ve.

CEM le Assam Rifle haotu hi hmalak ning ding kong, ram mizapi an himnakhnga kong an ceih i, venhimnak le mizapi himnak ding ah țuankhatnak țha um seh, tiah bia an khiah.

Written & Published by; I & PR Department LADC Lawngtlai