Release Date: 2017-12-07 18:30:00
LADC SANITATION DEPARTMENT IN KHAWPUI FAI LEH THIANGHLIM KAN NEIH THEIHNAN HMA LA ZEL
* Lawngtlai Khawpui chhunga Ran talh a eizawng thin te’n Ran thianghlim zawk leh
hrisel zawk an talh theihna turin Lai Autonomous District Council a Vety Doctor te
nen endikin chawlhkar tin an check thin.
* Lawngtlai Khawpui chhung alo thianghlim zawk theihnan leh a chhunga chengte kan lo hrisel zawk theih nan town chhungah te checkin kawng kama Ar in, Vawk in leh thil dang hriselna atana tha lo tuichhe paihna te endik in a rang thei ang bera mipuite tana rimchhia leh hnawksak zawnga awm lo tura in thianfai turin warning an pe bawk ani.
* Kan Lawngtlai khawpui chhunga dawrkai thenkhat ten an ngaihsak loh dawr nghah theihna Licence an neih leh neih loh checkin a neilo te chu an warning mai bakah a tul dan angin Licence te an pe chhuak zel bawk a ni.
* Karkhat chhungin Zingtin thawhtanni atanga zirtawpni thleng in bawlhhlawh an paih thin bawk.
* Mipui vantlang tana hnawksak kawngkama In sakna bungrua leh thil dang kawng
dunga hnawk leh vantlang tana kal hrehawm khawpa kawng dal ang chi pawh veng
tin ah kalin dahsawn tura hrilh anni.
* VC leh YLA ten Khawtlang thianghlimna tura an hmalakna ah theih ang angin an tanpui thin a, Motor te pawh hman tir an ni thin.
* Vantlang hmun remchangah thianghlimna kawnga hma kan sawn theihnan Banner te tar ani bawk.
AI&PRO - LADC
