LADC Sports & Youth Service Department chuan kum 2013-2024 chhunga Sport Displine hrang hranga hlawhtlingte hnenah Incentive Cash Award a sem
Lawngtlai, 2nd May 2023 : Vawiin hian LADC Sports & Youth Service Department chuan kum 2022-2023 chhunga Sport Displine hrang hranga hlawhtlinna chang, mi hmingtha te hnenah, Incentive Cash Award LADC Conference Hall-ah sem chhuakin, Pu C. Hrangthianga EM, SYS Department chuan khuallian niin a hmanpui.
Pu C. Hrangthianga, EM chuan thusawiin, Kum 2022-2023 chhunga infiamna lama mi hmingtha te hnena Incentive Cash Awards, Sports & Youth Service Department LADC Sorkarin a semchhuak leh thei hi lawmawm ka ti hle a, chutih rualin, he Awards dawng thei tura Sport Displine hrang hrangte thawhrimna leh inpekna zawng zawngah lawmthu ka sawi a, Pu V. Zirsanga, CEM kaihhruai Sorkar hian Infiammite hi a ngaihsak mai bakah, theihtawp chhuahin a chhawmdawl thin a, hma kan sawn zel theih nan nasa takin hmalain, a la chhunzawm zel dawn bawk a ni, a ti.
Pu C. Hrangtianga, EM chuan, SYS Department, LADC ah hian Sports Displine hrang hrangte kan awm a, keini chuan duhsak bik leh ngaihsak bik kan neih a thiang lova, tumah kan en hrang ngai dawn lo, mahse a taima leh tihtakzeta hmala thin, chhawmdawl tlak apiang hi kan chhawmdawl zel mai dawn a, chuvang chuan Displine hrang hrangte pawhin tha taka hma in lak theuh kan beisei a, chutiang tur pawh chuan ka chah bawk che u a ni, Nu leh pa lokalte pawh in awm a, in tu leh fate Sport lama tui an awm chuan theihtawp lo chhuahpui tur leh insenso pawh lo hreh lo ula ka duh khawp mai. Tunlai khawvelah sorkar hna hian min daih tak tak dawn lova, lehkhathiam tak tak an tam tawh hle, hna hian min daih tak tak dawn lova, kantu leh fate Sport lama tui an nih phawt chuan an lehkha zirna ti bahlah si lovin, theihtawp in lo chhuahpui ka besei a, Mizoram chhungah ngei pawh hian infiammi tam takin eizawn nana hmang an awmve tan tawh a ni tih i hria ang u. LADC chuan SYS Department hi mumal leh tha zawkin a kalpui zel dawn a, tun hun rei lote chhung ringawt pawh hian hlawhtlinna duhawm tak tak kan hmu chho zel a, vawiinah pawh hian Displine pasarih (7) ah Cash Award dawng thei kan lo awmta hi a lawmawm ka ti tak zet a ni, a ti.
He inkhawm hi Pu Lalduhzuala, AS&YO LADC chuan kaihhruaiin, Incentive Cash Award dawng thei chin chu District, State, National level a Medal dawng thei chinte an nih thu a sawi a, mi 59 hnenah vawiinah hian kan sem thei tur hi a lawmawm tak zet a, Sports & Youth Service Department LADC chuan nasa takin hma kan sawn zel a ni, a ti.
Incentive Cash Awards sem naah hian sawm bikte an tel tha hle a, District Sport Committee te bakah, Sport Displine hrang hrang aiawhte pawhin fuihna thu tha tak tak an sawi bawk. Sport Displine hrang hrangte, Cash Awards dawngte chu, Boxing, Chess, Badminton, Volleyball, Racing, Football team te hnenah pek an ni.
Pu C. Hrangthianga, EM hi Pu David C. Zothantluanga, RO (HQRS) Revenue Deparment in a tawiawm bawk.
Written & Published by:
I & PR Departmen, LADC Lawngtlai
PR No.4/2023-2024.
