INFORMATION & PUBLIC RELATIONS DEPARTMENT
Lai Autonomous District Council Lawngtlai
PR No.66/2021-2022.
Lawngtlai, The 2nd December, 2021: Lai Autonomous District Council Thlasik thutkhawm ni hnih awh chu Pu VL. Hmuaka Chairman LADC kaihhruihnain dt.01.12.2021 zing dar 10:30Am khan LADC Session Hall Lawngtlai-ah neih tan a ni a, Vawiin hian zawh ani.
Thlasik ṭhutkhawm nikhatna session ṭanni hian, Pu Ukmang Zathang (Council veng) Ex CEM Dt. 23.5.2021 a boral leh Pu VL Dawma Ex MDC Lawngtlai Bazar, dt.18.8.2021 a boralta te sûnna hun hman a ni a. Pu V. Zirsanga, CEM, LADC chuan an chanchin leh LADC Sorkarin a hriatreng thu leh, Ram leh hnam tana an thawhtawhnaah lawmthu sawiin LADC Chuan a hrereng tawh dawn a ni tih a sawi. MDC dangte pawhin an ui thu leh an nuna zirtur an neihte an sawi bawk. Hemi hnu hian Zawhna leh chhanna hun hman a ni a, official bill pahnih (2) leh Private Resolution pakhat, Pu LR Dingliana Chinzah AOC Bialtu put luh, "Lawngtlai Master Plan buatsaih ni rawh se, LADC chuan a ti" tih chu Lungrual taka pawm (passed) a ni.
Thlasik thukhawm ni hnihna chu Dt.02.12.2021 zing dar 10:30Am -ah chhunzawm leh niin, Zawhna Pathum (3) awmin chhan vek a ni a, Official bill pakhat sawiho a passed a ni bawk.
Tun thlasik thukhawm ah hian Starred Question Paruk (6) awmin chhan vek a ni. Official bill (3) awmin pass vek a ni bawk. Pu VL Hmuaka, Chairman chuan tluang taka Session neih zawh a ni thei chu members-te inpekna leh thahnemngaihna vang a ni tiin, lawmthu a sawi a, thlasik thutkhawm ni hnih awh nei chu a titawp a ni.
Written & Published by : I & PRO LADC Lawngtlai.
