PR No.17/2024/2025.

LAWNGTLAI, May 30, 2024 – Lai Autonomous District Council (LADC) chuan, vawiin dar 10:30AM khan,  Executive Member thar turte lakluhna inkhawm, (Swearing-In-Ceremony) chu LADC Conference Hall-ah hman a ni a, Pu Cheemala Siva Gopal Reddy, Deputy Commissioner, Lawngtlai chuan, thutiam tirin a la lut.

Pu C. Lalmuanthanga, Chief Executive Member chuan, Executive Member tharte chu thinlung takin a lawmpui thu a sawia, lakluh inkhawma tel zawng zawngte chungah lawmthu a sawi bawk. Executive Member tharte chu, ram leh hnam tana an thawhna kawngah, Pathian kaihruaina leh venhimna changa, ram leh hnam tan an theihna an hman theih nan duhsakna a hlan thu asawi bawk.

Asawi zel naah, vawiin ni a LADC Sorkar siam tura kawng min hawn saktu leh min hruaitu, kan Pathian chungah lawmthu ka sawia, CEM atan lakluh ni a ka sawi tawh ang khan, LADC Sorkar-a ka thawhpui, United Legislature Party-te'n duhsakna ka chungah an lantir avangin, lawmthu ka sawi nawn leh a. Tin, he Sorkar siam tura rimtaka thawktu, MNF leh Congress Party hruaitute chungah lawmthu  ka sawi nawn leh lo thei lo a ni. Tun huna Sorkar kan siamna kawngah Pathian hruaina nasa tak kan chang a, Mizoram Sorkar atang pawhin harsatna engmah kan tawk lova. CEM leh EM pawmpuina pawh dodal leh tih khawtlai awm hauh lovin, a hun takah zel kan hmu thei a ni, LADC-a Sorkar thar kan dinna kawngah Mizoram Chief Minister zahawm tak Pu Lalduhoma  leh Pu C. Lalsawivunga, DC&MA Minister zahawmtak te rilru a patling hle in ka hria a, an chungah lawmthu ka sawi tak meuh a ni. Tin, ram Danpui humhalha vawng tlat a, dik leh fel taka thil ti thintu, Honorable Governor of Mizoram, Dr. Hari Babu Kambhampati chungah  thinlung takin lawmthu ka   sawi bawk.

" Vawiin nia MNF leh Congress Party-in a Sorkar a siam hi mipui sorkar, langtlang sorkar, tumah lal bik leh thunei fal bik awm lohna Sorkar, engkim intluk-tlang leh inkhai-rual taka kalpui Sorkar ni turin theihtawp chhuah kan tum dawn a ni," tiin Pu C. Lalmuanthanga chuan a sawi bawk a.  Sorkar kalphung pangai angin hna chanpualte kan insem dawn a. Pawnlam thlirna atang chuan chanvo lian deuh leh chanvo te deuhte pawh awm angin a lang mai thei. Amaherawh-chu, ataka kan thawhhonaah chuan lian bik leh thiltithei fal bik kan awm dawn lova, engkim rualkhai tak leh inpawh-tlang takin kan thawkho zel dawn a ni. Lairam leh hnam tana hna tha leh tangkai kan thawh theih na'n, Lairam mipui zawng zawngte, Kohhran, NGO hrang hrang, Press mite leh LADC chhunga thawktu zawng zawngte, he Sorkar hi thurawn min pe a, min finchhuaha min tawiawm tlat turin ka sawmin ka ngen tak meuh che u a ni, a ti.

Pu C. Lalmuanthanga, CEM chuan thu a sawi zawhin hetiang hian, LADC Sorkar thara an hnachanpual tur (Portfolio) a puang nghal.

1.Pu C. Lalmuanthanga ,Chief Executive Member.

  1. General Administration & Control Department.
  2. Planning & Programme Implementation Department
  3. Finance & Accounts Department.
  4. Environment, Forest & Climate Change Department.

2.Pu Sanghuliana Mualchin, Executive Member

  1. Education Department. (Primary School including LADC-BSE)
  2. Taxation Department
  3. A.H. & Vety. Department.
  4. Parliamentary Affairs.

3.Pu C.Rongura, Executive Member.

  1. Art & Culture Department.
  2. Transport Department.
  3. Land Resources, Soil & Water Conservation Department.

4.Pu Lallawmsanga, Apetow Executive Member.

  1. Rural Development Department.
  2. Public Works Department.
  3. Law & Judicial Department

5.Pu Lalropuia Chinzah, Executive Member.

  1. Land Revenue & Settlement Department.
  2. Information & Public Relations Department.
  3. Information & Communication Technology Department

6.Pu Andrew Laltlanzara, Executive Member.

  1. Education Department (Middle School including Adult Education, Laica and Hindi Propagation Wing).
  2. Sericulture Department.
  3. Inland Waterways Department.

7.Pu L.Daniala, Executive Member.

  1. Local Administration Department.
  2. Urban Development & Poverty Alleviation Department.
  3. Sanitation Department.

8.Pu JB.Vanhoy, Executive Member.

  1. Social Welfare Department.
  2. Disaster Management & Rehabilitation Department.
  3. Co-Operation Department.

9.Pu C. Hrangthianga, Executive Member

  1. Agriculture Department.
  2. Horticulture Department.
  3. Sports & Youth Services Department.
  4. Minor Irrigation Department.

10. Pu HC.  Lalthawmliana, Executive Member.

  1. Public Health Engineering Department.
  2. Industry Department.
  3. Fisheries Development Department.

He inkhawm pawimawh tak hi Pu K. Lalthanzara, Executive Secretary, LADC-in a kaihruai a, Rev. Th. Vanlalzauva chuan hunserh a hmanga, he hunah hian, Pu H.Biakzaua Ex- MLA pawh telin, sawmbikte leh LADC a thawktute antel tha hle. Swearing in Ceremony hman zawh hian Heads of Department (HOD)-te chuan an Department changtu, Executive Member-te chu an room tura buatsaih ah hruaiin Room hi an luah nghal dawn ani.



Written &  Published by; I & PR Department LADC Lawngtlai.