Release Date: 2017-11-15 18:30:00

LAI MIPA COMMON DRESS (LAI PA ANGKI) TLANGZARH ANI Lai Autonomous District Council Sorkar hmalakna in vawiin (16.11.2017) Chawhnu dar 2:OO PM khan Lai Mipa Kawr *"Lai Pa Angki"* chu Lai Autonomous District Council-a Executive Member, Art & Culture Department changtu Pu L. Lawmkima chuan kalkhawmte hma-ah a tlangzarh. Tlangzarh inkhawmah hian Pu. L. Lawmkima, E.M. chuan thu sawiin vawiinni a Lai mipa cultural dress bik tlangzarah theiha alo awm ta hi Pathian leh kan Sorkar leh Lairam chhunga NGO hrang hrangte hmalakna leh tanrualna rah ani tiin, Lai Puan mawi tak tak kan neih tawhsa te baka mipa ten kan LADC kutchhuak ngei mipa te cultural dress kan lo nei ta hi lawmawm ati a, hemi atana Art & Culture Department leh Industry Department te hmalakna fakawm a tiin lawmthu a sawi ani. Inkhawm ah hian Pu T. Zakunga, Chief Executive Member, LADC pawhin thu sawiin vawiin ni hi Laifate tan Ni chhinchhiah tlak ani ati a; Lai Hnam chu Hnam upa niin kan Hnam thuamhnaw te pawh a mawi em ema, tun aia kan chawisana kan hlut lehzual thiam atul ani ati. Hnika leh kan Chongnakpuan te piah lama, Mipa te pual bika Lai mipa te common cultur dress tlangzarh tak hi NGO te nen ngun thlirho anih hnu in LADC Executive Committee chuan a pawm ta ani ati a. Hun rei tak mipa te haktur bik Hnam thuamhnaw kan neihloh hnu a NGO leh Sorkar Department te tangrualin ngaihtuahna tamtak senga, cultural dress thar mawi tak ab duangchhuak chu lawmawm ati in, Lairam leh Hnam thanchhoh zel nana mellung thar pawimawh tak pakhat ani ati bawk. Tlangzarhna inkhawm hi LADC Conference Hall-ah neih niin Pu LH. Ramdingliana, Asst. Art & Culture Officer in a kaihruai a, Pu. A. Zaithanga, District Council Industry Officer-in Technical Report a pe bawk ani.