INFORMATION & PUBLIC RELATIONS DEPARTMENT, Lai Autonomous District Council Lawngtlai.

PR No.44/2023-2024.

Lawngtlai Dt. 23rd February, 2024: Vawiin hian, Laifa-te Kut zinga ropui ber HLUKHLA chu, Chandmary Thlanmual ram, KMMTTP Road-ah, Art & Culture Dept., LADC leh Central YLA-te țangkawpa buatsaih chu ropui taka hman ani a, Pu BN.Thangpuia EM (Art & Culture Dept) chu kut Dongtu niin, Pu V. Zirsanga CEM LADC chu HLUKHLA pa a ni.

Pu V. Zirsanga, CEM chuan thusawiin, vawiin a, Laifate Kut ropui ber Hlukhla hmang leh theia kan awm hi ka lawm hle a, khawvel ramtina Laifa zawng zawngte leh vawiin a HLUKHLA hmangtu zawng zawngte invaiin chibai ka buk vek che u a ni.

He Kut kan hman theihna pawimawh tak mai chu, Laifate hi India ramchhungah hnam pakhat, Culture hrang nei, hnam ziarang chin-dan leh kalphung hrang nei kan nih vang a ni. Laifate hi khawvela hnam anga kan dam khawchhuah ve theih na'n, kan Culture leh kan hnam țawngte kan ti hmasawnin taimakna nen theih tawp chhuahin țan ila sâuh sâuh ang u.

Pu V. Zirsanga, CEM LADC chuan, tun hmain Laifate hi khawvel hmun hrang hrangah țhendarhin awm mah ila, ramri hian hnam thinlung hi a țhen hrang ve tur a ni lo, inpumkhatna țha tak nen lungrual takin Lai hnam lipuiah i luangkhawm zel ang u. Tunlai ah thu lungchhiat thlak tak mai kan hria a a pawi tak zet a ni, ramri hung leh 'Free Movement Regime' (FMR) tih tawp chungchang kan hria hi a pawi tak meuh a ni, he Border Fencing kalpui tuma hmalakna hi kan pawm thei lova, țha kan tilo tak zeta. Thisena kan inzawmna hi Politics ramri in min țhen hrang tur a ni lo. Chuvangin, khawvel ramtina Laifate hian inpumkhat zai rel zel ang u.

A sawizelnah, kan ram leh hnam eichhe mektu ruihhlo hi, Kohhran leh NGO-te hian lungrual takin I do zel ang u, Ruihhlo avangin mipa tam tak an thi tawh, naupiang kan pungchak tawh bawk si lo! Chuvangin, kan ram leh hnam hi ruihlo hian min eiral meka, țhalaite u, harh teh u. Ruihhlo hi kan ram leh hnam hmelma dik tak ani tih hi pawm ula, ati mek kan awm chuan sim turin kan inchah a ni, kan ram leh hnam hi humhalh a ngaia, hnam inlungrualna leh inpumkhatna țha tak nei kan ni țhin, hawh u kan ram leh hnam tan hian theih tawp I chhuah zel ang u, a ti.

HLUKHLA-ah hian hnam infiamna leh Culture chi hrang hrang LWA leh YLA Branch hrang hrang leh khawpawn a mite'n an entir a, MTP Gen. Hqrs. Siaha-te pawhin he hun hi an rawn hmanpui bawk a ni.

He hun hmannah hian, Lai Upa Pawl, Council Veng te'n Vawhla in bul an rawn țana, Rev. K. Lalchamliana Lai in hunserh hmangin, Baptist Choir, Lawngtlai Area te'n Opening Song thiam takin ansa bawk.

Compere's Marina Lalrintluangi leh Christy Lalthlamuani te'n Programme zangkhai takin an kaihruai a, Pu BN. Thangpuia, Executive Member, Art & Culture Dept. Kut Dongtu in inlawmna thu a sawia, Pu T. Chalnghingluaia, A&CO, LADC, Organizing Chairman ni bawk chuan lawmthu sawina a nei bawka, HLUKHLA Miss Contest leh Naupangte pualin Little Miss & Mister thlanna siam a ni bawk.

CEM, LADC Best Teacher Award sem ani bawka, Pu V. Zirsanga CEM, LADC leh Pu VL. Hmuaka, Chairman, LADC te'n an sema, Primary School Best Teacher Award Pu F. Lalrambeiseia S/o F.Lianzama, Headmaster Mampui hnenah hlan niin, Middle School Teacher Award chu, L. Vanchhawng, D/o V.Kapliana, Model English School Lawngtlai hnenah hlan a ni bawk, LADCBSE in Common Questions Examination-a buatsaiha Top-Ten-te hnenah pawh lawmman sem a ni.

LADC Department hrang hrang ten, Stall siamin, Thil chi hrang hrang an zuar chhuak bawk.

Miss HLUKHLA thlanna neihah hengte hi thlan an ni.Miss HLUKHLA atan. Baby Lalnuntluangi Lawngtlai-III thlan niin, 1st Runner-up Vanlalzahawmi Electric Veng, 2nd Runner-up ah FC.Lalhruaitluangi Chanmary thlan ani.

Written & Published by: I & PR Department LADC Lawngtlai