INFORMATION & PUBLIC RELATIONS DEPARTMENT.
Lai Autonomous District Council
Lawngtlai
PR No 7/2023-2024.
LAND REVENUE & SETTLEMENT DEPT TAX KHAWN THATE CHAWIMAWINA FUNCTION HMAN A NI
Lawngtlai, 25th May 2023: Vawiin khan, LADC Land Revenue & Settlement Dept chuan, Tax khawn thate chawimawina hun LADC Conference Hall ah an hmanga , tax khawn thate hnenah lawmman sem nghal a ni bawk.
He hun hi, Pu BN.Thangpuia, E.M. i/c Transport Dept chuan telpuiin, thu a sawi a; LADC Land Revenue & Settlement Dept ten hetiang hun an buatsaih thei hi lawmawm atih thu sawiin, Tax lakkhawm chungchangah pawh theih tawp in chhuah thin a, Nikum ah pawh Target in khum tha hle a ni tih kan hria a, LADC Sorkar tan hian Department hlu tak mai in ni a, hma pawh in sawn zel kan beiseia, vawiin a Tax khawn thate Chawimawina leh lawmman semna hun in hmangte hi a tha kati hle a, inelna thianghlim leh hmasawnna duhawm tak a hring chhuak ngeiin ka beisei tlat a ni, Revenue Department a thawktu Officer leh thawktute chungah lawmthu ka sawi a, Tax pek that hi khua leh tui tha nihna a ni a, Pek loh hi sual ani, Lal Isua pawhin Khawvel a awm lai khan a ngai pawimawh hle thin a ni, Ram leh hnam innghahna tak tak in ni tih in hriat ka duh ani, a ti. Thu a sawizawh hian Pu C.Hrangthianga EM Revenue hnenah, Bolero Camper a hlan a, Kum 2022-2023 chhunga Tax an hmuh that avang leh Department in an mamawhna avang a pek an ni.
Pu C. Hrangthianga EM i/c Land Revenue & Settlement Dept pawhin he hunah hian thusawiin, Vawiin a he programme kan hman theihna chhan chu, Revenue Dept a thawktu ten thahnem ngai tak leh theih tawp chhuah a, tan inlakna rahchhuah a ni tih in hriat ka duh a, in thawhrimna avangin lawmthu ka sawi a ni, kan ram leh hnam in nghahna bul pakhat chu, Land Revenue & Settlement Dept LADC hi a ni, kan ram leilung enkawlna kawngah hian mawh kan phur nasa hle a ni tih kan hriat ka duh, kan ram leh hnam hum himna kawngah pawh mawhphurhna nasa tak kan nei a ni tih i hria ang u, englai pawha hna thawh tur nei kanni a, mipui nena in ngheng reng kan nih avangin, mipui min dawr thintute pawh tha takin i lo dawngsawng thin ang u, a ti.
A sawi zel naah, kum 2022- 2023 chhungin kan Target Nuai 66.50 chu, Nuai 36.12 chuangin kan khum thei hi a Ropui ka ti hle a, Kumthar 2023-2024 a kan Target Nuai 86.50 pawh hi, thawh hona tha tak nen theihtawp chhuahin tan kan lak chuan kan khum leh ngei ka ring tlat a ni, Pu V.Zirsanga CEM kaihhruai sorkar chuan, Ram leh hnam tan nasa takin hmasawnna rahbi a rap mek zela, Vawiin ah Motor thar tha tak mai min hlan hi kan lawm takzet a, min buaipuitu, Pu BN.Thangpuia EM Transport Dept leh Pu HC.Vanlalruatpuia Transport Officer te chungah lawmthu kan sawi tak meuh a ni, tin Officer Transfer avangin Revenue Dept Officer lut leh chhuak kan awma, vawiinah kan telkim thei niin ka hria, Revenue Dept a in awm chhunga thawhhona tha tak kan neih avangin lawmthu ka sawia, rawn awm tharte pawh kan lo lawm che u a, theihtawp chhuah in hma ila thar leh theuh ang u, tiin ka sawm bawk che u a ni, a ti bawk.
Pu C.Hrangthianga EM chuan, Kum 2022-2023 chhunga Tax khawn tha hnenah Certificate leh pawisa fai lawmman dawngtu te hnenah a hlan nghal bawk.
1.Sub- Hqrs LADC Bualpui 'NG'
2. Sangau Division LADC.
3. Chawngte Division LADC.
Pu K.Lalthanzara SR&SO pawhin lawmman dawng thei tura theih tawp chhuaha hmalatu te zawng zawng chungah lawmthu ka sawia, Lawmman dawng lote pawh hian theih tawp chhuahin tan inla tih ka hriatpui che u, hmalam hunah pawh theih tawp chhuah leh theuh turin ka sawmin ka ngen che u a ni, a ti a, Report a pek hnuin, lawmthu sawina a nei nghal bawk.
He hun hi, Pu B.Lalhnuna R & SO Hqrs in kaihruaiin kal khawmte hnenah lawmthu sawina leh Programme an siam chhan leh hriat tur pawimawhte puanna a nei bawk.
Written & Published by: I & PR Department LADC Lawngtlai
