PR No.6/2024-2025.

Lawngtlai Dt. 11th May, 2024 khan, Trained Nurses Association of India, District Branch, Lawngtlai chuan ANM School Auditorium, Lawngtlai-ah International Nurses Day an hmang a. Pu VL. Hmuaka, Chairman, LADC chuan Khuallian niin a hmanpui. 

Pu VL. Hmuaka khuallian chuan thusawiin, Nurse hna hi hna hahthlak tak a nih rualin, hna zahawm tak leh, Pathian rawngbawlna ropui tak nih thu leh, harsatna tawk, damlo mangangte chu Pathian thlawhhmate an ni tih sawiin, Nurse hna chu hna dang nen tehkhin chi a ni chiah lo, a pawimawh em avangin, Pathian rawngbawlna ani tih rilru pu chunga thawh chi ani.

A sawizelnaah, damlote tan chuan, Nurse tawngkam khat chu dampui theih a nih rualin,  damlote tan an tawngkam khat hi natna belhchhahtu a nih thei ve bawk, chuvangin, kan tawngkam hman danah kan fimkhur atul hle, a theih hram chuan damlote tan, hriat nuam leh zangkhai tur tawngkam hmang thin ang u, Nurse hna hi a zahawm a, hna dang ang a ni lova, kan hlawh chu engzat pawh nise, Pathian hnathawh puitu,  midang tana malsawmna thlentu, ni zel turin, Nurse zirlai leh Nurse hnathawktu zawng zawngte ka chah che u ani a ti.

He hun hi, Pi C. Lalnunziri, Ward Superintendent, District Hospital, Lawngtlai chuan kaihruaiin, Damdawiin pathum, District Hospital, Lawngtlai, Christian Hospital Lawngtlai, leh Lairam Christian Medical Centre-a, Nurse  thawklaite, Nurse Pension tawh te, ANM School Lawngtlai a Zirlaite leh sawmbikte an tel tha hle.

Chawhnu lamah, Trained Nurses Association of India, District Branch Lawngtlai hruaitu tur an thlang nghal bawk 

He pawl, TNAI hi kum 1908 khan din a ni a, a Association of Nursing Superintendents, tih a ni thin  kum 1950 ah TNAI tiin thlak ani a, India ram hmun hrang hrangah Branch awmin, kum 1980 khan Mizoram-ah Branch din a ni a, Lawngtlai District ah Sub-Branch angin kum 2018 khan din a ni a, District Branch Lawngtlai tih a ni.

He International Nurses Day hi May 12 ah hman thin a ni a, kumin International Nurses Day hi Pathianni-ah a tlak avangin vawiinah hman a ni.


Written & Published by; I & PR Department LADC Lawngtlai