INFORMATION & PUBLIC RELATIONS DEPARTMENT.
Lai Autonomous District Council Lawngtlai.
PR No.75/2022-2023.
Lawngtlai College Vengah, District Table Tennis Hall leh Basketball Court hawn a ni
Lawngtlai,15th February, 2023: Nimin Feb. 14, 2023 @ dar 3:30Pm khan, Lawngtlai College vengah, District Basketball Court leh Table Tennis Hall hawn a ni a, Table Tennis Hall hi Pu C.Hrangthianga EM (SYS) Department LADC chuan hawngin, Basketball Court hi, Pi Marilyn Rualzakhumthangi MCS Project Director, DRDO Lawngtlai District chuan a hawng bawk.
Pu C.Hrangthianga EM LADC chuan thusawiin, Lawngtlai College veng chhunga NGO leh VC te Chungah lawmthu sawiin, Khawtlang an enkawlnaah lawmthu lawmthu a sawia, thawhhona leh inlungrualna tha tak an neih thin a vanga lawmawm thu asawi bawk, kei pawh vengchhungah hian hruaitu dinhmun ka lo chelh ve tawh thin a, Vawiin a kan hruaitu ten hetiang thil tha leh Khawthlang tan leh kan District tana rotling kan lo nei thei ta hi a lawmawmin hmasawnna Ropui tak niin ka hria a, thinlung takin ka lawmpui che u a ni, a ti.
Pu C.Hranhthianga EM chuan, Pu Zoramthanga CM Mizoram kaihhruai sorkar chuan, Sports lama hma kan sawn theih nan kawng hrang hrangin hma ala mek zela, Lawngtlai District chhungah ngei pawh hmalakna tam tak kan hmu mek zela, Basketball Court pawh hi hmun hnihah min buatsaih sak leh dawn a ni, Basketball khel thin thalaite pawhin theihtawp inchhuah zel ka beisei, chutiang bawkin Sport Displine hrang hrangah pawh hmalakna kan hmuchho mek zel hi a lawmawm tak zet a ni, Ruihhlo a vanga thalai tam tak an buai laia, thalai fel leh tangkai tak tak infiamna lama tui tam tak inla awm hi alawmawm hle a, tunah chuan hlawh neiin mi tam takin Mizoram chhungah ngei pawh an khel ve ta, Chuvangin eizawnna tling khawpin theih tawp chhuah turin ka chah duh che u a ni, a ti a. LADC a Sports Deptt,. hmalakna leh hmachhawpte a sawi a, Basketball Court leh Table Tennis Hall kan neih theihna tura hma min lakpuitu zawng zawngte chungah lawmthu ka sawi tak meuh a ni, a ti bawk.
Pi Rualzakhumthangi MCS Project Director DRDO pawhin Basketball Court a hawn zawhah thusawiin, College veng chhunga hetiang infiamna hmun tur buatsaih fel a lo nita hi alawmawm hle a, Department te nen pawh thawhhona tha tak kan nei thin hi alawmawm tak zeta, Khawtlang hruaina kawngah theihtawp chhuaha hma anla thin chu fakawm atih thusawiin chhunzawm zel se a duhthu a sawi a, hetia hawnna neih ngawt hi a tawk lova, uluk taka enkawla dim thiam tur leh, enkawlpui chhunzawm zel chakawm khawpa, Khawtlang leh infiam miten hmala chhunzawm zel tura a duhthu a sawi bawk.
He District Basketball Court leh Table Tennis Hall hawnna hi, Pu K.Lalkrosmawia Vice President YLA Branch College veng chuan kaihruaiin, Pu Lalhriatchhunga President YLA pawhin thusawina a nei a, DRDO Office a thawktute Pu K.Lalthanzara SR&SO LADC leh Official te an tel a, Pu Lalropekthara, VCP, Khawthlang hruaitu leh Infiammi engemaw zat an tel a, Pu K.Hmingthanmawia Adviser YLA Branch College veng chuan Tawngtainain a hlan a ni.
Written & Published by: I & PR Department, LADC, Lawngtlai
