PR No.5 /2024-2025.

Lawngtlai Dt.3rd May 2024: Vawiin chawhnu Dar 2:00PM khan, Pu Cheemala Siva Gopal Reddy LADC enkawl lailawktu (Caretaker) chuan , Lawngtlai khawpui chhunga Village Council-te hnenah Bawlhhlawh Bawm a sem a, hemi puala inkhawm hi Chief Executive Member, LADC Conference Hall-ah neih niin, CEM LADC Office tualah Bawlhhlawh Bawm hlanna hun hman a ni.

Pu Cheemala Siva Gopal Reddy chuan he hun a tel Lawngtlai khawpui chhunga Village Council-te chungah lawmthu a sawia, Lawngtlai khawpui chhung hi kan vawngfai theia, Mizoram khawpui fai ber ni thei tura tanlak a tul thu sawiin, faina leh thianghlimna zirtirna kawngah pawh theih tawp chhuah tul a tih thu a sawi a, Lawngtlai chu khawpui thianghlim leh nuam tak kan nih theih nan VC te chu an huamchhungah theihtawp chhuah turin a chah.

Caretaker chuan, Lai Autonomous District Council Revenue Collections hmuh atangin bawlhhlawh bawm 100 lei a nih thu sawiin, chungte chu khawpui chhung VC tinah paruk (6) theuha sem a nih thu leh veng lian deuh ah chuan an mamawh dan a zirin pek tam deuh an ni a ti a, bawlhhlawhbawm-te chu venglun lai deuhah dah tur niin , chawlhkar khatah vawihnih lakhawm thin a ni dawn tih sawiin, Garbage Bag pawh engnge maw zat pek an nih tur thu a sawi a, hmalakna chu a hmahruai chauh a la ni a, harsatna leh mamawh an neih chuan, Sanitation Department, LADC-ah hriattir thin turin VC-te a chah a. Tin, Sanitation & Waste Management Department, LADC chuan, Bawlhhlawh sawngbawlna tur a hmuh tur thu sawiin, theihtawp chhuaha tan lak tlan a ngaih thu a sawi.
He hun hi, Pu HC. Vanlalruatpuia, Sanitation & Waste Management Officer chuan kaihruaiin, Pu K. Lalthanzara, Executive Secretary, LADC pawhin thu a sawi bawk.

Written &  Published by; I & PR Department LADC Lawngtlai.