Release Date: 2017-11-15 18:30:00
LSA GENERAL CONFERENCE CEM IN A HMANPUI:-
Lawngtlai, the 16th November, 2017: Niliani khan ni hnih awh tur Lai Students’ Association General Conference vawi 26-nachu CYLA Hall Lawngtlai ah neih niin LADC Chief Executive Member Pu. T. Zakung-an conference hi a hmanpui.
Khuallian Pu. T. Zakunga chuan zirlaite fuihna thu sawiin, Zirlai naupangte chu thildang ngaihtuah lova an zirna ah nasa leh zawka tan la turin leh hlawhtling ngei turin a fuiha, hun vawndik ngaipawimawh tur te, hun vawndik ngaipawimawh lote chu hmasawnna kawngah pawh mite aia hnufual an ni duh tiin, Zirlaite chu an thiamna leh finna chharchhuahte Lairam leh Hnam tana hmasawnna atana hmang turin a chah ani. Lai tawng uar lehzawka hman anih theihan Zirlaite chu mahni Hnam tawng zahpui lova, a tam thei ang bera hmang turin leh a thiamlote pawhin zir ngei se a duh thu a sawi.
Hlawhtlinna tak tak neitute chu mi taima te hi anni tiin, tuna zirlaite pawh nakinah kan Ram leh Hnam la hruaitu turte an ni tih sawiin taima leh uar zawka zirna lama ke pen zual sauh sauh turin a chah bawk a, Ram leh Hnam siamtha tur hian kan zavaiin kan pawimawh theuh a, kan tanrual tlat chuan kan Hnam hi ala dingchhuak dawn ani, ati.
Khuallian Pu T. Zakunga hi hi Lai Autonomous District Council atangin Pu L. Lawmkima EM (Art & Culture etc.), Pu LR. Dingliana Chinzah, Dy. Chairman leh mi pawimawh engemawzatin an tawiawm ani.
