Release Date: 2016-11-14 18:30:00

15TH NOVEMBER, 2016 :- Nimin date 14/11/2016 khan Mizoram Governor Lt Gen (Rtd) Nirbhay Sharma, PVSM, UYSM, AVSM, VSM chuan Lawngtlai a LADC hmunpui a tlawh. Lawngtlai-ah DC Dr.A.Muthamma leh LADC CEM Pu V.L.Hmuaka bakah LADC Member leh sorkar officals ten an lo hmuak a, LADC Conference Hall-ah Governor lawmna inkhawm an lo buatsaih bawk. He inkhawmah hian Lawngtlai DC chuan an district chhunga an hmalakna hrang hrang a tarlang a. Governor Pu Nirbhay Sharma pawhin thusawiin kum reiloteah Mizoram chu Southeast Asia leh India inpawhna tur kawngpui ber a nih dawn avangin mipuite chumi hun atan inpeih a pawimawh a ni, a ti. Lawngtlai Water Supply Scheme hnathawh zawh tep tawh chu lawmawm a tih thu a sawi a; zirna leh tawng dang thiam belh ngai pawimawh turin a hrilh bawk.