PR No.11/2024-2025.
LAWNGTLAI Dt. 21st May, 2024 - Vawiin hian, MJA Lawngtlai District-te chuan, Pu C. Lalmuanthanga, CEM, LADC hnenah, CEM Relief Fund atan Rs.50,00/- (Sangnga) an hlan a, inkawmhona hun hlimawm tak an nei nghal bawk.
Pu C. Lalmuanthanga, CEM LADC chuan, Pathian leh thawhpuite zarah CEM dawnkanah ka thu tan ve chauh a, MJA Lawngtlai District te'n thil pek hlu tak mai min hlan hi ka lawm hle a, CEM Relief Fund rawn chhung lut hmasa ber in ni hi ka lawm tak zeta, he rorelna dawnkan kan kil chhung hian thawhhona tha tak kan neih ngei pawh ka beiseia, ka sawm bawk che u a ni, a ti.
A sawi zelnaah, LADC in hun harsa kan tawk a ni tih kan hre theuh a, tunah Budget pawh kan la nei mumal lova, tunah hian a rang thei ang bera Budget Session nei turin kan inbuatsaih mek a, Chanchinbu-mite hamthatna tur pawh kan buatsaih nghal thei lo a nih pawhin, Sorkar kumtharah chuan enzui ngei kan tum anga, kan Revenue Colection pawh hi ngun takin kan zirchiang dawn a, tun hma aia thahnem zawk kan hmuh theih ngei pawh ka beisei a ni, ati.
MJA Lawngtlai District hruaitute pawh in, an mamawh leh thil chi hrang hrang sawi puiin, inkawmhona hun hlimawm tak an nei a, Pu C. Lalmuanthanga, CEM LADC in an thusawite ngai pawimawha tih hlawhtlinsak atum avang leh Chanchinbu-mite ngaih pawimawh nachang hria CEM kan nei hi kan lawm tak zeta, a thlamuan-thlak tak zet a ni, tiin Pu C. Lalmuangthanga CEM hnenah hian lawmthu an sawi bawk.
Written & Published by : I & PR Department, LADC Lawngtlai
