NI HNIH AWH LAI AUTONOMOUS DISTRICT COUNCIL SESSION ZAWHFEL ANI

Lawngtlai, October ni 13, 2020:- October ni 12 atanga tan, ni hnih awh Lai Autonomous District Council Session chu vawiin khan zawhfel ani.

Session neih chhung hian Chief Executive Member leh House Leader Pu T. Zakunga chuan official bill pathum pu-lutin sawifiahna aneia, chung Bill te chu The Lai Autonomous District Council (Salaries & Allowances of Chief Executive Member and Executive Members) (Second Amendment) Bill 2020, The Lai Autonomous District Council The (Salaries & Allowances of Chairman & Deputy Chairman) (Second Amendment) Bill 2020 leh The Lai Autonomous District Council (Salaries, Allowances and Pension of Members (Third Amendment) Bill 2020 ani.

Executive Member, i/c Education (M/S) Pu Laltlawmlova Chinzah pawhin official bill pahnih The Lai Autonomous District Council Education & Human Resources Department (Group B & D) Recruitment Bill 2020 leh The Lai Autonomous District Council Education & Human Resources Department (Transfer & Posting of Elementary School Teachers) Bill 2020 chu a introduce bawk ani.

Heng Bill panga tehi sawiho anih hnu in pass vek ani a, hemi bakah hian Pu Manghmunga Chinzah MDC leh Pu MC. Sanghuliana MDC te starred question lut chu chhan ani bawk.

Session hi Pu LR. Dingliana Chinzah, Dy. Chairman in kaihruaiin vawiin tlai khan tluang taka zawhfel ani.

Written by

Collins Ngurnunchhunga

AIPRO

Photo – Lalchawiliana Chenhrang