Vawiin Thawhtanni, January ni 18, 2019 chawhnu khan LADC Executive Secretary office chamber-ah Dr. Lalnunthara, Commissioner, Persons with Disabilities, Government of Mizoram leh LADC officials te an inkawm.

He inkawmna ah hian rualbanlo ten Sorkar hna an thawh theih tawk an thawh ve theihna tur chungchanga The Right of Persons with Disability Act, 2016 chu sawiho niin Dr. Lalnuntluanga, Commissioner, PWD chuan Dan tlangpui a sawifiah a, LADC hnuaiah pawh hei hi a taka kalpui anih theihnan hmalakdan tur sawiho ani. Pu L.Z. Tluanga, Executive Secretary charge la mektu chuan he Dan hi Parliament enacted Rules anih avangin District Council  chuan a ngaipawimawh a, tun dinhmunah Council hnuaiah hman ni chiahlo mahse District Council hnuaiah rualbanlo hnathawk an awm nual ani ati a, he Dan chungchanga chiang zawka awareness neih anih theihnan Commissioner chu Mizoram Sorkar atanga Lawngtlai hmuna official te training pe turin a chah a, chumi piah lamah LADC Executive Committee ina a ngaihtuah turin thuneitu sangzawkah alo thlen ang atia, meeting hi hun remchangah District Council thuneitu sangzawk te nen neih leh nise tih ani. 

Written and published by Collins Ngurnunchhunga, AI&PRO