INFORMATION & PUBLIC RELATIONS DEPARTMENT,

Lai Autonomous District Council, Mizoram

No.42/2021-2022

PSA Oxygen Plant CEM in a hawng

Lawngtlai,the 7^th October 2021: PM Cares Fund hnuaia Prime Minister's Citizen Assistance and Relief in Emergency Fund atanga hmuh, PSA Oxygen Plant chu vawiin khan Lai Autononmous District Council a Chief Executive Member, Pu V.Zirsanga'n Lawngtlai District Hospital ah a hawng.He khawl hian  Minute khat chhungin Oxygen litres 250 siamchhuakthei dawn a ni.

Pu V.Zirsanga chuan  Khawvel buaipui hrileng Covid-19 dona hmanraw pawimawh leh tangkai tak tak, Oxygen Plant thatak mai bun a ni ta chu lawmawm a tih thu sawiin, Prime Minister leh Pu Zoramthanga kaihhruai, Mizoram sawrkar duhsakna an chang chu lawmawm atih thu a sawi. Hospital a thawktute thawhrimna leh inpekna chu District mipui leh District pawnlam thleng pawhin mipui ten an thlamuanpui hle dawn a, he khawl hian Lawngtlai district Oxygen mamawh a phuhruk thei dawn a,Nuna chhan nan a tangkaiin a hlu hle dawn a ni, ati.

Lawngtlai DC Dr.Andrew H.Vanlaldika chuan PM Cares atanga Oxygen Plant Lawngtlai in a dawng chu lawmawm a tih thu a sawi a; He Plant dintur hian department hrang hrangte thawh ho a ngai a, Department kaihhnawih hrang hrangte thawhho na tha tak leh inpekna vanga tunah hian hawn theih alo ni ta hi a lawmawm tak zet ani ,ati bawk.

Medical Superintendent Dr Zothanpari Chhakchhuak chuan tun dinhmun ah damlo khum 43, DCHC a khum 8 telin Oxygen nen thlunzawm a ni a ti a, Oxygen Plant tihnun nan 250 KVA Transformer, cheng Nuai 24,38450 (Nuai 24 sing 3 sang 8 za 4 sawmnga) bun a ni a ti . Tunah chuan Aizawl a Oxygen la tura an senso thin cheng tamtak chu an hum theih tawh an beisei thu leh Nunna chhan nana thil pawimawh em em khawl an nei thei chu lawmawm a tih thu a sawi bawk.

CEM  Pu V. Zirsanga hi Executive Member, Pu  Apetow Lallwmsanga, Pu .J.B. Vanhoy leh Pu.H.C.Lalthawmliana ten an tawiawm a ni.

Written & Published by: H.C Vanlalruatpuia. I&PRO,LADC