INFORMATION PUBLIC RELATIONS DEPARTMENT
Lai Autonomous District Council Lawngtlai
PR.No.89/2021-2022
PU ANDREW LALTLANZARA EXECUTIVE MEMBER LADC IN VALENTINE'S DAY PUALA BLOOD DONATION CAMP HMANPUI.
Lawngtlai,14th February,2022 : Vawiin khan Pu Andrew Laltlanzara, EM (i/c M/S), chuan, Association for Voluntary Blood Donation (AVBD), Lawngtlai leh Blood Bank Lawngtlai ṭangkawpte’n Valentine's Day Denchhena an buatsaih, Blood Donation Camp a hmanpui. Blood Donation camp hi Ladc Hall,Lawngtlaiah neih niin,Mipa 41 leh Hmeichhia 21 ten thisen an pe a ni.
Thisen pek hun tan a nih hma hian inkhawmtawi neih a ni a; Pu C. Lalhmachhuana, Asst. Secretary, AVBD Lawngtlai chuan kaihhruaiin, khuallian Pu Andrew Laltlanzara, EM i/c Education (M/S) etc., LADC in thu a sawina a nei. Pu Andrew.Laltlanzara,EM chuan Association for Voluntary Blood Donation (AVBD) Lawngtlai leh Blood Bank Lawngtlai ten midangte tan malsawmna ni tura, an inpekna leh hnathawh chu ropui atih thu sawiin, fak an phu tak zet a ni tih a sawi bawk.
Khuallian chuan, Lawngtlai khawchhunga Damdawiinte chu Khawpui leh thingtlang atanga kan pan khawm ber a ni a, thingtlang lam atanga lokal damlo ten thisen an mamawh hian a mangan thlak leh zual thin; chutiang hun a lo thlen changa, Blood Bank Lawngtlaia, mi tlawmngaite thisen peksa lak mai tur a lo awm thin hi a thlamuanthlak hle thin a ni tih a sawi. AVBD Lawngtlai hnathawh leh an rawngbawlna fakin, Vawiina an inthil tih pawh hi midangte tan malsawmna ni in,nunna hlutak chhan nan thil tangkai tak a nih a beisei thu a sawi.
Vawiin hun hmannaah hian MZI ten zaiin kalkhawmte an awi a, thisen petu zawng zawng hnenah Rose par hlan vek an ni. Valentine's Day puala Blood Donation Camp-ah hian Best Couple atan C. Lalthlamuana leh R. Lalrammuani te thlan an ni .
Written & Published by. I& PRO, LADC Lawngtlai
