PR.No.57/2024-2025.
2024 Hniang 19 zaanlei suimilam 3 ah Pu C Lalmuanthang, CEM ,LADC nih a Office Chamber-ah Press Conference au in 2024 Hniang 10 i Shillong ah North East, Autonomous District Council 10 meeting an ngeihnak kong le an hmalaknak mi hna a chim. ADC hna hmailei cuanhnak kong le Union Home Minister an tonnak kong zong a chim.
Pu C Lalmuanthang CEM nih cun Press Conference an auhnak kong le thil biapi a chim hnuah Pu H Lalmuansang Dy. Chairman nih report tlangpi a pek. Nort East State ah ADC 10 hna a voikhatnak tonnak cu Khasi Hills Council Tripura Castle ah 2024 Hniang 10 ah ngeih a si. North East ah ADC 10 kan tling dih. MLA cheukhat zong nih an kan telpi, tiah a ti.
Meeting kan ngeihnak a ruang cu ADC 10 hna tuankhatnak tha a um khawhnakhnga caah i thithruainak fel dirh usi, hmalaknak a thawnnakhnga Confrence zong ngei usi kan ti. Hmalak hramthawknak caah Pu PN.Shyem CEM Khasi Hills ADC cu, Convener ah thim a si. Kan kalnak ding kong ser a si, represent ding zong ser chung a si. ADC hna nih aiawh ding kan thim, kannih lei ah kei zong thim ka si ve.
Ramkulh (State) kip ah ADC aiawh dingin Convener thim a siseh kan ti, Mizoram ADC lei in Pu M. Laikaw CEM MADC cu thim a si. Chief Convener caah Pu PN. Shyem CEM Khasi Hills ADC cu thim a si. Committee hi min zong ser colh in meeting le caan ser colh ruahchan a si. Kan meeting nak a ruang bik Constitution 125 Amendmend zong kan ruahchan ning bantukin a kal cuahmah. Pehzulh peng a si. Union Home Ministry lei zong ah thawng deuh in pehzulh kan duh kong le tuan deuh ah Delhi lei ah kal in pehzulh siseh tiah bia kan khiah.
Pu H. Lalmuansang Dy. Chairman nih cun, hi Committee Body hi fekfuan in a kal khawhnakhnga khoika ADC paoh ah Political change a um zong ah ai thleng lai lo. A thleng kho ding cu hi Committee lawng hi a si lai. Hruaitu hmasa nih hma an rak lak cangnak Meghalaya ram ah Students' Hostel hmun kan ngei lo mi, Nai ah tlamtlinh dih a si. NEIHGRIMS Hospital pawng ah an kan pek lai in kan theih. Ruahchannak nganpi kan ngei. Bodoland CEM zong nih kan area chung ah ADC dang pakua nih ADC caah nan herhmi a um ah cun Gateway of N.E. tiin Infrastructure le Office maw House phun zong ram nan herh ah cun kan in pek hna lai, riantuantu zong nan chiah khawh lai tiah bia a kan cah, tiah a chim.
Pu HC. Lalthawmlian EM nih, a theipar hmu colh hlah hmanh usilaw, hi meeting hi a biapi i thanchonak tampi um in a lang. Khika hmun ah ram kan ngeih dingmi hi fimcawnnak le damlo ruangah a panhmi hna an umnak a si lai. Man tamtuk man, man lo in kan ngeih khawh ding hmanh hi hlawhtlinnak pakhat a si. Hi meeting tuah a sinak a ruangbik zong Union Home Minister sinah phanhpi a si i hlawhtlinnak zong hmuh a si lai kan zumh, tiah a chim.
Pu C Lalmuanthang CEM nih cun, hi 125th Constitution Amendmend kalpi cuahmah mi hi kan zapi biakhat tlai in kan kalpi a herh ngai. Hmailei ruahchannak tha kan ngei. Cucaah miphun issue le policy matter ah hin cun political party kip ah um hmanh usilaw, aho paoh i phetchem lo in biakhat tlai in kaarhlang dingin kan sawm hna. ADC hna kan tuankhatnak le i pehtlaihnak caah Cultural Exchange hna zong ngei ding hma kan la lai. Kannih hi a fim le a thiambik kan si lo, asinain hi ULP cozah hi Pathian nih a huhphenh i, lam a kan hruai, kan kal lainak ding zongah a lam a hruainak kan hmuh, cucu kan i lawmhnak cu a si. Cucaah ram mizapi a si khawhchung in kan dirpi u, lungthin, taksa Thlarau he ram le miphun caah thla rak kan campiak u tiah kan sawm hna, tiah a chim.
Pu C Lalmuanthang CEM, Press Conference tuahmi hi, Pu Lalropui Cinzah EM. Pu HC. Lalthawmlian EM le Pu H Lalmuansang Dy Chairman LADC le Pu C Lawmsangzual, I & PRO, LADC nih an telpi.
Written & Published by : I & PR Department LADC Lawngtlai
