PR No.14/2024-2025.
LAWNGTLAI Dt. 24th May, 2024: - Dt. 23rd - 24th May, 2024 ni hnih (2) chhung hian, Pu C. Lalmuanthanga, Chief Executive Member, LADC chuan, South Lungpher bakah khaw hrang hrang tlawhin azin chhuaka, a kalna khaw hrang hrangah, ropui taka lo hmuakin, a puala vantlang inkhawm buatsaih thin-ah, CEM hian thusawina a nei zel a ni.
Pu C. Lalmuanthanga, CEM LADC chuan, Pathian leh ka thawhpuite duhsakna zarah LADC Sorkar-ah, a khaipa ber CEM dinhmun chelh a, ram leh hnam rawngbawl hna thawk tura, min ruat hi ka lawm hle rualin, a huphurhawm ka ti hle a. Chuvangin, Kohhran te'n min tawngtai puia, min tawiawm tlat turin ka sawm che u a ni, a ti.
A sawi zelnaah, CEM chuan, hun engngemaw chen LADC-in harsatna kan tawka, Sorkar mumal lovin kan awm a ni tih kan hre theuh a, Kohhran leh mipuite tawngtaina avangin tunah chuan, Pathian zarah LADC Sorkar thar kan lo nei thei ta hi alawmawm tak zet a ni, he Sorkar hi MNF leh Congress te'n ULP dina siam Sorkar a ni a, he kan Sorkar hi rethei leh chanhaite ban phak a siam kan tum a, CEM hi Political Party bil ta a ni lova, Political Party tana thawk tur pawh a ni hek lo, ram leh hnam tana thawk tur leh kan ram a chhiat athat a mawhphurtu a ni. Chuvangin, kan phak tawkin kan ram leh mipui tan hnathawk turin hmalak zel kan tum dawn a ni. Ram mipui leh thalaite pawh harh thar theuh ila, kan ram leh hnam tana hna kan thawhna kawngah, atha thei ang berin thawk thin ila, kan eizawnna atan thawh hreh nei lovin kan phak ang tawkin tan la theuh turin ka sawm duh bawk che u a ni, a ti
Pu C. Lalmuanthanga, CEM chuan, kan ram hi ala chhe vek lova, Pathian tanpuina in kan la siam tha thei. Hawh u! ram mipuite hian siamthat hna thawk turin tangrual ila, atha lo leh fello lai hi i dinthar leh ang u. Mahni hnam leh ziarang ngainepte an dingchhuak tak tak ngai lo. Chuvangin, Pathianin Laifate ram leh hnam min pe a, ramri fel tak neiin kan chenna tur min pek hi a hlutzia hrechhuak leh thin ila, he kan ram leh hnam hian hma alo sawna, hnam anga kan dinchhuah theihna atan, ram leh hnam tana ka thawhpui leh ram mipui zawng zawngte ka sawm tak meuh che u a ni, a ti.
Pu C. Lalmuanthanga, CEM leh amah tawiawmtu te hi, Dt. 24.5.2024 zanah tluang takin Lawngtlai arawn thleng a. Pu C. Lalmuanthanga hi CEM LADC a nih hnua a zinchhuahna hmasa ber a ni a, amah tawiawmtu leh ropui tak leh duhsak taka, lo hmuaktu khaw hrang hrangte chungah a lawmthu tih tak zetin a sawia, a zinnaah hian heng mite hian an tawiawm a ni:-
1. Pu Sanghuliana Mualchin, Dy. CEM (Designate)
2. Pu C. Rongura, MDC
3. Pu L. Daniala, MDC
4. Pu JB. Vanhoy, MDC
5. Pu H. Lalmuansanga, MDC
leh Official atangin Dr. Lalnunpuia Chinzah, DCVO leh Official dangte pawhin an zui bawk.
Written & Published by: I & PR Department LADC Lawngtlai
