PR No.9/2024-2025.

Lawngtlai Dt.15th, May, 2024 khan, Pu C.Lalmuanthanga, Chief Executive Member, Lai Autonomous District Council chuan, CEM Conference Hall-ah, LADC hnuaia Officers-te thingpui inpuiin  inkawmhona hun a neih pui.

Pu C. Lalmuanthanga, CEM LADC chuan, Pathian leh thawhpuite duhsakna avangin, CEM dinhmun ka lo chelh ve ta reng maia, ka lawm hle a ni. LADC Office neitu tak tak chu nangmahni hi in ni a, keini chu hun engngemaw chen atan chauh a lo thu ve mai kan ni a. Chuvangin, in finna leh thiamnate hmang tangkaia, inthlahrung hauh lova min finchhuah thin turin ka chah duh che u a. Thawhhona tha tak leh inpumkhatna tha tak nen Lairam leh hnam tana ke min pen pui turin ka sawm duh che u ani, a ti.

A sawi zelnah, Executive Body fuke-kim in a piang  thuai turah ngai i la, Executive Committee leh Officer-te inpawh tlang taka kan awm ka duh a. Sorkar  Dan siamte zawm anih theih nan leh Dan pawna kan kal loh nan thurawn min pe thin turin ka sawm duh bawk che u a, thudik hmangin kan ram kan kaihruai ang a, Officer rual te'n thahnem min ngaihpui chuan kan Lairam hian hma a sawn ka ring ani, ati.

Pu C. Lalmuanthanga CEM chuan, kan Sorkar hi Sorkar langtlang a nih ka duh a, tin, sustainable revenue income kan ngai pawimawh dawn a, Revenue source mumal tak innghaha tlak leh asset lian tham, kan Lairam hian a mamawh hle a. Chumi din tur chuan hma i la tlang ang u.  Tin, Mizoram Sorkar fawng vuantute an rilru a thianghlim hle a, kan tan an in hawng a ni. A tul chuan mithiamte berawn chung zelin theih tawp chhuahin hma kan la tlang ang a, atul dan azirin Delhi leh Shillong thleng pawhin thil pawimawh chu kan umzui dawn ani a ti. A tawp berah chuan,  tha taka Pathian duh dan a he sorkar hi kan enkawl theih nan, remhriatna leh finna  ka neih theih nan mimal ang leh Kohhran ang pawha Tawngtaina a min hre reng turin ka chah duh che u ani, a ti.

Pu Sanghuliana Mualchin, Deputy Chief Executive Member (Designate) pawhin thusawiin, ram leh hnam hmasawn nan LADC hnuaia Officer leh Staff-te'n Attendance leh Punctuality tun aia tha zawka kan ngaih pawimawh a tul a, Head of Department/Office te'n mawhphurhna kan lak thiam a, kan Department theuhah tan kan lak a ngai a. Hei hi kan ngaih pawimawh chuan, chawp leh chilhin kan LADC administration hi kan siam tha nghal thei dawn a ni, ati bawk.

Written & Published by; I  & PR Department LADC Lawngtlai