PR.No.60/2024-2025

Lawngtlai, Hniang 22, 2024: Nihin ah hin, LADC CEM Conference Hall-ah Pu C. Lalmuanthanga, CEM telpinak in, Lawngtlai khuapi chung i VCP hna nih tonnak  an ngei i, Lawngtlai khuapi chung i Street Light kongkau an ceihṭi hna.

Pu C. Lalmuanthanga, CEM LADC nih cun, Lawngtlai khuapi chungah hin, Street Light 152 hrawng a um i, vaan man bill hi LADC Cozah nih thlakip phaisa a pek tawn i, hi thil kongkau ah hin tonbiaruahnak ngeih a ṭha in kan ruah i, kan in sawmnak cu biapi ah  chia in nan rak rat caah hin kan i lawm hringhran ko, tiah a ti.

Pu LZ. Tluanga, Joint Secretary(GAD) sinin report tlangpi chim a si i, ngaih cio a si. LADC i kan meitha (Electric)  zohkhenhtu hna cu fial in, Lawngtlai khuapi chung i Street Light 152 hrawng a ummi, LADC nih a bill kan pek ko lioah , mumal in a ceu ti ṭung lomi zeimaw zat a um ti kan theih i, VCP-hna hi kannih nakin a theifiangtu taktak nan si deuh tikah, hmailei kar kan hlan ning dingah, nan ruahnak hleiah nan theihhngalh ning  hna i hrawmh le chimṭi cio kha kan duh ko, tiah an ruahnak a chim dingin a sawm hna.

VCP hna nih cun anmahle Sang cio dirhmun le Street Light kong report le atu nakin ṭha deuh le mumal chin i  hmalak an duhning phunphun kong an chim hna i, Street Light-a ṭhat lo ruang i anmah phaisa liampal in, hma an rak lakning tehna zong chimlangh a si.

Pu C. Lalmuangthanga, CEM nih cun, Meeting a voi khatnak i kan ruahnak kan chimṭimi hna cu zuldawi in hmalak kan rak tim lai i, Electric Department-i ṭuantule hna kan rak  chimhruah fawn lai, ruahti hul deuh tikah, Christmas naih deuh hna ah khin, meeting ngei ṭhan usihlaw, cu tikah cun kan hmalak pehzulh ning ding cu kan ceihṭi ṭhan te hna lai, tiin a chim hnuah meeting hi donghter a si .

Hi meeting-ah hin, Pu L. Daniala EM i/c LAD, Pu K. Lalthanzara Executive Secretary, Pu LZ. Tluanga Jt. Secretary(GAD), LADC tehna an i tel fawn.

Written & Published by : I &PR Department LADC Lawngtlai