PR No.21/2024-2025.

Lawngtlai, July 3, 2024 Vawiin dar 11:00 AM khan, Pu C. Lalsawmzuala, Chandmary MDC Constituency By- Election neih zawh taka, Member of District Council atan thlantlin chu, Pu VL. Hmuaka, Chairman LADC chuan thutiam tirin a la lut.

Pu C. Lalmuanthanga, CEM LADC chuan he hunah hian thu sawiin, Pu C. Lalsawmzuala, MDC atan thlantlin a lo nita chu, a lawmpui tak zet a ni tih sawiin, Inthlan laiin theih tawp kan chhuah tlanga, Congress leh MNF-te thawhhona tha tak nen kan beitlanga, kan thawhrimna leh inpekna avangin a hlawhtlinna kan lo hmu thei ta hi a lawmawm tak zet a ni. Tin, VC Election kan nei bawka, kan thawhpui VC Election a tling zawng zawngte pawh kan lawmpui tak zeta, ram leh hnam tan theih tawpchhuah in i tangho zel ang u, rinawmna leh dikna nen lungrual taka kan thawhho zel chuan, kan ram leh hnam hian, hmasawnna rahbi thar kan rap ngei ang tih ka ring tlat a ni, a ti.

A sawi zelnaah, LADC Sorkar hi mipui Sorkar a nih angin, langtlang sorkar a ni zel dawna, LADC hnuaia thawk Officer leh thawktu zawng zawngte pawhin, min tawiawm a, tanla thar leh theuh turin ka chah bawk che u a ni, a ti bawk.

Pu C. Lalsawmzuala, MDC thar pawhin thu sawiin, Pathian leh Chandmary MDC Constituency mipuite duhsakna a zarah thlantlin ka lo nita hi ka lawm tak zeta, ka thawhpui tur MDC hun rei tak lo ni hmasate nen pawh lungrual tak kan thawhho zel ka beisei a ni. Tin, MNF leh Congress a kan thawhpui duhawm tak takte, theih tawp min chhuahpuia tan min lakpuitu zawng zawngte chungah thinlung takin lawmthu ka sawi bawk a ni, LADC Sorkar Pu C. Lalmuanthanga, CEM kaihhruai sorkar hi nghet takin a kal zel dawna, chumi ti hlawhtling tur chuan, a hnarkaitu leh theihtawp chhuahpuitu nih zel ka tum dawn a ni, Pathian leh mipuite zarah, LADC sorkar hian, kan ram leh hnam tan theih tawp a chhuah zel dawna, kalphung thar ni lovin, kalphung dikin kan kal zel dawn a ni, a ti.

Swearing-in Ceremony hi Pu Lianchungnunga, Secretary (DCS), LADC chuan kaihruaiin Rev. V. Suikharliana, LIKBK chuan hunserh a hmanga, he hunah hian, Pu H. Zothangliana Ex-MLA, MDC te leh LADC a thawktute leh sawmbik an kal tha hle.

Written & Published by; I & PR Department LADC Lawngtlai