INFORMATION & PUBLIC RELATIONS DEPARTMENT.
Lai Autonomous District Council Lawngtlai.
PR No. 103/2021- 2022.
Lawngtlai, Dt. 24th March, 2022: Vawiin chawhma dar 11:00am khan Lawngtlai District Fire Prevention Committeeleh Central YLA huaihawtin, CYLA Hall-ah Awareness Campaign on Fire Prevention neih ani a, Pu C. Rongura EM (LAD) LADC chuan khuallian niin a hmanpui.
Pu C. Rongura, chuan, Mei si te reuh te avangin ram zau tak a kang thei a, ram a kán hian Thing leh Mau,Nguncha tam tak an kang ral thin. Meikhu leh boruak bal avangin hriselna pan deuh te tan chuan a hahthlakin thawhah a siam a; khawlum nasa tak a siamin a lo thleng thin tih sawiin: Sawrkarin march 15, 2022 hmaa lohal tura thu an chhuah, an zawm ṭha chu lawmawm atih thu a sawi a. Thal an inṭan dawn chauh a, kangmei chhuak palh awm thei lakah fimkhur lehzual turin a fuih bawk a ni.
Khuallian chuan ram chhunga hmun mawi leh hlu tak tak, Phawngpui tlang te, Ngengpui Wildlife Sanctuary te, Chhimtuipui te, Lungmawi (Lungmak) te leh kan Chamdur Project te hi anihna ang taka kan hman thiam hunah LADC leh a mipuite tan a hmasawnna thlen tu tur an la ni tih a sawi bawk.
He hun hi Pu K. Romawia, Member Secretary, District Level Committee On Fire Prevention & DCCF, LADC Lawngtlai in a kaihruai a,Rev. V. Lalhmingsanga AOC Bialtu Pastorin hunserh hmangin,Pu Rinmuana MFS, Dy. Conservator of Forest, Chhimtuipui Wildlife Division, Lawngtlai in Power Point Presentation a nei a, Pu C. Sangliana, Dy. Conservator of Forest, LADC Lawngtlai in lawmthu (vote of thanks) a sawi a ni.
Pu C. Rongura EM hi Pu H Lalhmingmawia Member, Planning & Development Board LADC in a tawiawm a ni.
Written Published by: I& PRO, LADC Lawngtlai
