INFORMATION & PUBLIC RELATIONS DEPARTMENT
Lai Autonomous District Council Lawngtlai
PR No.6/2022-2023
Lawngtlai, 22th April 2022: Vawiin khan Lairam Upa Pawl General Conference vawi 2-na chu, LADC Conference Hall-ah hman a ni a, Pu C. Rongura EM (LAD) LADC chu Khuallian niin, Pu JB. Vanhoy EM (Social Welfare) LADC chu Khualzahawm niin hun an hmanpui.
Pu C.Rongura, LAD changtu EM chuan, Lairam Upa Pawl memberte chu kan ram leh hnam tana mi hlu leh theihna tam tak lo hmang tawhtu leh ngaihtuahna lo seng thin tute, Ram leh hnam tan rohlu an nih thu sawiin; Nu leh pa te leh an tute hnenah Ram leh hnam hmangaihna leh Hnam zia leh rang, chawisan leh humhalhna kawnga zirtirtu ni zel turin angen a ni.
Pu C.Rongura EM chuan, Ram changkang leh hnam fing a piangin kum upa te anzahin an chawimawi thiam a, enkawlna tha tak tak pein, kum upa te Lawmman te pawh an siam sak bawk thin a; LADC sorkar pawh hian Kum upa te lawmman a pe ve thin a, LADC chuan Upate Hmathatna turin theih tawp a chhuah zel dawn a ni tih a sawi bawk.
Pu JB.Vanhoy EM (Social Welfare) LADC chuan, Lairam leh hnam humhalh tura Pawl ding a awm thin hi a lawmawm hle a, Pathianin Lairam leh hnam hi a hre renga, A la hruai chhuak ngei ang a, dinchhuah hun ala neih ngei a beisei tlat tih a sawi.
LUP general Conferences hi Pu N.Fambawl, Vice President in kaihruaiin, Pu NC.Muankima, General Secretary in report a pe in Rorelna an nei chhunzawm nghal a ni.
Written & Published by: I&PRO, LADC Lawngtlai.
