Release Date: 2018-06-18 18:30:00
Lawngtlai Lower Chandmary-a khawsa, Pu V. Lalramnghaka In mitlawmngai ten an saksak chu vawiin ni 19.6.2018 khan Pu H. Lalramenga, Executive Secretary, Lai Autonomous District Council chuan ahmunah kalin insak hnatlang thawkte thingpui inna a pe. Pu V. Lalramnghaka hi hrisellohna hrang hrangin a tlakbuakin eizawng mumal thei lovin a awma, an in sakthat ngai em em tawh chu mi tlawmngai ten hriaiin an saksak ani. Pu V. Vanramnghaka hi a fapa pahnih leh fanu pakhat nena khawsa an ni. Pu H. Lalramenga hi official atangin Pu Thathluna Chinzah, DCSYO in tawiawmin ani pawh in tlawmngaia thawkchhuakte thingpui inna tur a hlan bawk ani. Hemi zawh hian Pu H. Lalramenga hian CYLA playground-a artificial turf phah mek chu a hmunah kalin a ena, hnathawk viltute chu kan ram asset pawimawh tak la ni tur hna an thawk ani tih hrilhin, tha taka hna thawk turin leh harsatna an neih te thlen hrehlo turin a chah bawk ani.
