Pu H.Lalruatkima Executive Secretary LADC chuan, LADC in kum 2022-2023 chhunga tax a hmuh dan leh Kum thara hmasawn dan tur, LADC Officer te a sawipui
Lawngtlai, 18th April 2023 hian, Pu H.Lalruatkima Executive Secretary LADC chuan, LADC Officer te, a room-ah Meeting a neih puia, Kum 2022-2023 chhunga, LADC in tax a hmuh dan leh kumthar a, tax tam zawk hmu thei turin engtin nge tan kan lak theih anga, hma kan sawn theih dan tur ni ang, tiin meeting a neihpui.
He hun hi Pu H.Lalruatkima Executive Secretary LADC chuan kaihruaiin Meeting a koh chhan leh tax chungchangah LADC in, kum 2022-2023 chhunga kan Target kan khum thei hi, LADC Officer leh Taxation Dept te thawhrimna leh inpekna vang a nih rualin, LADC a thawktu zawng zawng ten thawh hona tha tak kan neih vang a ni a, in vaia chungah lawmthu ka sawi a ni, kumthar kan chuangkai leh ta a, he kumtharah pawh hian, kan vaiin theih tawp chhuaha tan kan lakho leh chuan kan Target pawh hi kan tlak mai bakah kan khum leh ngei ka beiseia, harsatna leh chhan hrang hrang a vanga tlinta chiah lo te pawh kan awma, kumtharah chuan kan Target te hi kan tlin tawh ngei ka beiseia, kuminah kan Target in tukte a lo sang leh ta viau maia, kan vaiin tlin theuh i tum leh hram ang u, a ti.
Pu Thangliana Zathang Taxation Officer LADC chuan, Kum 2022-2023 chhunga, LADC Dept hrang hrangte Tax hmuh dan report pein, ziakin a sema sawifiah ngaite a sawi fiah a, kum thar 2023-2024 chhunga LADC Dept hrang hrangte target pek an nih dan pawh ziakin a sem nghal bawk.
Pu B.Lalhmingmuana Secretary (Fin) LADC pawhin, Target pek kan nih dan leh hmasawnna kan neih dan turte, tanlak kan ngaihna lai leh hmasawn theih dan kawng hrang hrangte a sawi bawk.
He Meeting-ah hian, Officer ten an harsatna leh hmasawnna kawnga tan lak dan tura an hriatte zalen tak leh zau takin an sawiho a, Kum thara an target-te tlin ngei tuma tan lak antum thute an sawi bawk.
Pu H.Lalruatkima Executive Secretary chuan, meetinga kal zawng zawngte chungah lawmthu sawiin, Thurawn tha tak tak leh hma kan sawn theihna tura, sawihona tha tak an nei thei chu lawmawm atih thu sawiin, kum 2023-2024 ah chuan, hmasawnna hmel thar LADC sorkarin a hmuh ngei a beisei thu leh lawmthu sawina a nei bawk.
Written & Published by: I & PR Dept, LADC Lawngtlai.
PR No.2/2023- 2024
