INFORMATION PUBLIC RELATIONS DEPARTMENT

Lai Autonomous District Council Lawngtlai

PR No.78/2021-2022

PU LALROPUIA CHINZAH EM I/C SANITATION HNENAH LAWNGTLAI NORTH TKP TEN TANPUINA HLAN

 Lawngtlai, 10^th January,2022: Vawiin (Thawhtanni) hian Baptist Church of Mizoram, Thalai Kristian Pawl,  Lawngtlai North Pastor bial hruaitute chuan, TKP Bial Inkhawmpui rorelnain, ‘Hriselna, Faina leh Thianghlimna lamah,  Bial TKP ten theih tawp chhuaha hmalak nise’ ti a, a lo rel tawh bawhzuina peng pakhat atan,  LADCa Sanitation Department changtu, Executive Member Pu Lalropuia Chinzah kutah, faina lama hmalakna tanpuinan pawisafai an hlan. Thalai Kristian Pawl hruaitute chuan, hmalakna an kalpui mekah veng chhung thenfai hnate an thawh thin bak ah, thuzirturte buatsaihin, Social Media kaltlanga inzirtirna an kalpui dan tlangpuite  sawiin hmalak zel antum dante pawh an sawi bawk.

      Pu Lalropuia Chinzah Executive Member chuan Faina leh thianghlimna lamah LADC Sorkar chuan hmalakna a theih anga chakin a kalpui zela, PPP Mode kalpuitumin, inbuatsaihna kalpui  mek a nih thute, Bawlhhlawh paihna hmun KMMTTP kawngpui kamah buatsaihmek a nih thute sawiin, Kohhran Thalaiten Hriselna, Faina leh Thianghlimna lama tan an la chu lawmawm a tih thu a sawi.

Written & Published by: I & PRO.LADC Lawngtlai