INFORMATION & PUBLIC RELATIONS DEPARTMENT,

Lai Autonomous District Council 

Lawngtlai.

PR No. 27/2023-2024.

Karhnih awh tur faina hnatlang 'Swachhata Pakhawada' Lawngtlai-ah kalpui tan a ni a, Pu Lalropuia Chinzah E.M. (Sanitation Dept), LADC chuan khuallian niin a hmanpui

Lawngtlai Dated 15th September, 2023: Vawiin dar 11:00am khan, Lawngtlai Helipad-ah kar hnih awh tur faina hnatlang ‘Swachhata Pakhwada’ chu Deputy Commissioner Office leh Sanitation Department, LADC tangkawp buatsaihin kalpui tan a ni a, hnatlang thawkchhuak NSS, Government Region Higher Secondary School zirlai naupangte niin, Pu Lalropuia Chinzah, E.M. Sanitation Department, LADC chu khuallian niin a hmanpui a, hnatlang thawkchhuak turte a vailiam a ni.

        Pu Lalropuia Chinzah E.M. LADC khuallian chuan thusawiin, Lawngtlai khawpui chu faina kawnga entawntlak khawp a siam turin kalkhawmte a chah a, ‘Indian Swachhata League 2.0’ kaltlanga zirlai thalai rual faina kawng a hmahruaitu ni tur a an lo penchhuak chu lawmawm a tih thu sawiin, hma kan sawn dawn chuan faina leh hriselna a awm hmasak a tul thu sawiin, faina chu mimal atanga intanin, kan chenna leh avel theuh kan tihfai chuan khawtlang fai leh hrisel kan siam  thei ani tih thu a sawi bawk.

     He hnatlang a vailiamna hnu hian Pu Lalbiakzauva, Programme Officer, NSS kaihruaina in faina kawng a hma la tur a thutiam lakna hun hman niin Helipad-a bawlhhlawh awmte then fai nghal a ni. Zirlaite hi Team 3-a inthenin, Helipad leh Chandmary inkar, Helipad leh Bazar veng inkar leh CYLA Playground leh a velte an tifai hnatlang neih nghal a ni.

   He hun hi Dr. Dorris Lalrinawmi, SDC in a kaihruaia, hnatlang tur leh kalkhawmte hnenah lawmthu sawina hun a hmang nghal bawk.

Written &  Published by: I & PR Department LADC Lawngtlai