INFORMATION & PUBLIC RELATIONS DEPARTMENT.

Lai Autonomous District Council Lawngtlai.

PR No 100/ 2021-2022.

Lawngtlai, 16^th March, 2022: Vawiin dar 10:30 am khan Executive Member Running Trophy Chess Championship 2022- chu LADC Conference Hall ah khelh tan niin,hun tanna inkhawm buatsaihah hi Pu L.Daniala, EM P/S LADC chuan Khuallian niin a hmanpui.

Khuallian Pu L.Daniela chuan, Covid 19 hripui leng a vanga hunrei tak infiamna buatsaih theih anih tawh loh hnuin, vawiina Running Trophy Chess Championship 2022 buatsaih theih ani chu lawmawm atih thu leh Chess Championship khel tura kal zawng zawngte a lawmpui thu a sawi a. Chess chu infiamna changkang, Rilru leh thluak sawizawina tha tak anih thusawiin, School naupang te tan pawh infiamna tha tak a nih thu leh  Infiamna chuan Hnam a thiar lova, Vun rawng athliar lova, chuvang chuan inpumkhatna tana hmanraw tangkai tak anih thu a sawi a ni.

Pu C.Hrangthianga, EM, SYS chuan, hun rei tak, he trophy hi khel thei lova a awm hnuin, Pathianin hun tha a siam sak avanga lawmthu sawi chungin, infiammite tana kawng a lo in hawng tan leh ta chu infiammite a lawmpui thu a sawi. LADC Sorkar chuan Sports Disciplines hrang hrangte duhsak bik awm lovin a rualkhai thei ang bera tih changtlun leh hmasawn tir a, State Level mai ni lo, a aia sang zawk thlenga infiam mite an thlen chhoh zel theih nan theih tawp chhuahin hmalak zel a tum sawiin, infiammite pawh hmasawn zel turin tumruhna nen theihtawp chuah zel turin a fuih nghal bawk.

He Programe hi Pu C.Vanlalruata, President chuan kaihruaiin, Pu C.Lalhmangaihkima Secretary LDCA in report pe a, Mizoram puma Chess Association Members boralte Sunna hun hman ani bawk.

He hun hi Lawngtlai District Sports Committee hruaitute, bakah Mizoram Chess Association aiawh leh Pu K.Hrekung, MDC,LADC ten an telpui. He championship competition ah hian District hrang hrang atangin Player 42 telin, Zirtawpni, ni 18 hian a hmawr bawkna nei tura ruahman a ni.

Written Published by: I & PRO, LADC Lawngtlai