Release Date: 1970-01-01 00:00:00

PU. T. ZAKUNGA CEM LADC IN DISTRICT JAIL, DISTRICT HOSPITAL, LAIRAM CHRISTIAN MEDICAL CENTER (LCMC), CHRISTIAN HOSPITAL LEH LAIRAM MOTHERLESS HOME (LMH) TLAWHIN CHRISTMAS CHIBAI BUK NAN THIL PEK A HLAN 23 December, 2017 (Inrinni), Lawngtlai : Vawiin khan Pu. T. Zakunga CEM LADC chuan CEM discretionary fund atangin, Lawngtlai khaw chhunga hmun Panga - District Jail, District Hospital, Lairam Christian Medical Center (LCMC), Christian Hospital leh Lairam Motherless Home (LMH) tlawhin, Christmas chibai bukna atan thilpek a hlan. Pu. Kungtea CEM chuan District Jail ah hian Rs. 5,000/- (Sangnga), Volley Ball leh Volley Ball Net a pe a, District Hospital, LCMC leh Christian Hospital ah Rs. 5,000/- (Sangnga) theuh pein, LMH ah Rs. 5,000/- (Sangnga), Mulco Bawnghnute leh thil eitur thahnem tak a pe a ni. LMH ah hian Pu. Kungtea chuan thusawina neiin hetianga thilpekna hun tha a nei chu lawmawm a tih thu a sawi. Lawngtlai ah hian buiding tha leh ropui tak tak awm teuh mahsela, mipuite mit fukna leh kan thinlung luahtu ber chu Lairam Motherless Home hi ani a ti. Pu. L. Lawmkima EM LADC in tawngtaina a nei a ni. CEM hi Pu. L. Lawmkima EM (Social Welfare), Pu. LR. Dingliana Chinzah Deputy Chairman ten an tawiawm ani.