PR.No.20/2024-2025.

LAWNGTLAI, June, 24, 2024 Dt. 23.6.2024 zan dar 9:30 PM vel khan, Lawngtlai Vengpui Pu Thangnawna In chu vanduai thlak takin a kang a,  Pi A. Sungtiali leh Pi H. Darhniangi te chuan nunna hlu tak an chan ani. Pu Lalropuia Chinzah EM, CEM LADC charge la mektu chuan a hriat veleh a hmunah kal nghalin, a thutchilh a, Lawngtlai Vengpui YLA Branch hnenah, Rs.5,000/- (Sangnga) leh Silpauline 2 an mamawhna a pianga hman turin a pe a, Pu Thangnawna  te chhungkaw tan Rs, 5,000/- (Sangnga)Lawngtlai Vengpui YLA te kaltlangin a hlan nghal bawk.

Pu Lalropuia Chinzah, Executive Member i/c Revenue, etc. chuan, Pu Thangnawna te chhungkua vanduaina tawh hi pawi atih thu leh, LADC Sorkar chuan thinlung takin a tawrhpui tak zet a ni tih sawiin, "Tanpuina an hlan chu beitham hle mahse, atul ang zelin hma kan lakpui dawn ani" a ti a, "Hetianga chhiat kan tawh hian, NGO tlawmngai pawl kan neihte hi an fakawm thin hle, chhiat tawk leh harsatna tawkte tan theihtawp chhuaha hma kan la thin hi a thlamuan thlak thin hle a, zaninah pawh hian, midangte tanpui tura, mi heti zozai kan pungkhawm a, inphutna tel hauh lova, atul apiang kan thawk mawlh mawlh nghal thei te, Fire Dept. leh Police an rawn thawkchhuak nghal vat  nghalte hi a thlamuan thlakin an fakawm tak zet a ni", a ti bawk.

A sawizel naah, chhiat tawkte leh harsatna tawkte tanpui tura kan kal khawm hian, hnathawktute dal lo zawngin mipuite kan awm thiam a pawimawh hle a, kangmei chhuakah phei chuan, Kangthelh Motor (Fire Dept.) te chetvelna dallo tura kan insaseng thiam a pawimawh hle a, kan tih khawtlai hian chhiatna nasa zawk pawh thleng thei a nih avangin, mipuite leh Lirthei kengtute fimkhur tlang thin ila, zaninah felfai tak maia, thil kan ruahman thiam hi a lawmawm kati tak zet a ni, a ti bawk.

Pu Lalropuia Chinzah hi Pu HC. Vanlalruatpuia, Transport Officer, LADC chuan a tawiawm a ni.

Written & Published by; I & PR Department LADC Lawngtlai