INFORMATION & PUBLIC RELATIONS DEPARMENT

LAI AUTONOMOUS DISTRICT COUNCIL

LAWNGTLAI

PR.No.8.2023-2024

PU V.ZIRSANGA CEM.LADC IN SOOUTHGATE MIDDLE SCHOOL,BUNGTLANG SOUTH –II HAWNG

Lawngtlai,26^th May,2023:- Vawiin khan Pu V.Zirsanga, Chief Executive Member, Lai Autonomous District Council chuan Southgate Middle School, Bungtlang South –ii a din thar chu a hawng.

            School hawnna hun tawi buatsaih ah hian Pu V.Zirsanga chuan thu sawiin, Bungtlang South mipuiten an lo lawm dan ah lawm thu a sawi a; Bungtlang South hi Lawngtlai District khawtlang lam (western belt)  a khawlian ber zinga mi ni mahse, sawrkar Middle school pakhat chauh awmin, Naupang leh zirlaiten admission chungchangah pawh harsatna an tawk thin a. LADC a MNF sawrkar leh Bungtlang South Bialtu MDC Pu. L.Lalhmachhuana thahnemngaihna  leh Education & Human Resources  Department, LADC a Officers te leh thawktute thawhrimna a zarah, Sawrkar Middle School thar, Southgate Middle School hawn a lo nita chu lawmawm a ti hle a ni tih  sawiin,lawmpuina leh duhsakna a hlan a ni.

            C.E.M chuan southgate Middle School a thawktu te chu an eizawna leh an rawngbawlna,Zirtir hna chu zahawm tak leh taima taka thawka, thiamna leh hriatna ringawt pe lo va, naupangte chu nundan mawi zirtir a, mipuitling a chherchuak ngei turin Sawrkar,nu leh Pa leh mipuiin an beisei a ni tih a sawi bawk.

            Southgate Middle School , Bungtlang South –ii hawnna  hi Pu Andrew Laltlanzara, Executive Member,i/c Middle school leh Executive Member tha hnem takin an tel pui a ni.

Written & Published by: I&PRO.LADC