INFORMATION & PUBLIC RELATIONS DEPARTMENT.

Lai Autonomous District Council Lawngtlai.

 

PR No. 76/2022- 2023


Lawngtlai, 23rd February,2023: Vawiin khan Pu V.Zirsanga,Chief Executive Member,LADC chuan tribal Subscheme hnuaia sak Building Pathum, Tribal Girls Hostel,Lawngtlai vengpui,Skill Development & Training Centre,Lawngtlai leh Community centre,Vawmbukte a hawng.

          Hawnna Inkhawm hi Tribal Girls Hostel,Lawngtlai vengpui hmunah neih a ni a, Pu V.Vanlianhrina,Planning & Development Officer ,LADC in kaihhruai in, Er.Malsawmkima,Sr.A.E Planning,LADcv chuan technical report a pe.

          Pu V.Zirsanga,CEM chuan Pathian leh State leh central sawrkar hotute duhsakna avangin LADC chhungah hmasawnna ruhrel tha tak tak kan neih belh zel a, chu hmasawnna leh thiltha hmutu leh changtu kan han ni thei hi a lawmawm hle a ni tih sawiin; Vawiinina building sak thar te pawh hi mitam takte tan leh a mamawhtu te tan malsawmna a ni ngei dawn a ni tih a sawi bawk.

          CEM chuan heng building an hawn takte sak puitlin a nih theihna tura tha leh zung, ngaihtuahna sengtu, hruaitu hmasate leh  Planning Dept a officers leh staffte, covid-19 kara sak phalna pe a,ngaihhnatthiam thintu, Dr.Andrew H.Vanlaldika,MCS,a hunlaia Deputy Commissioner Lawngtlai leh Lawngtlai vengpui Khawtlang hruaitute VC leh YLA te chungah lawmthu sawiin; Lawngtlai Vengpui khawtlang hruaitute chu tribal Girls Hostel enkawl leh venhim kawngah ,a neitu thinlungpu a enkawl pui turin a sawm bawk a ni.

          Pu V.L Hmuaka, Chairman, LADC Pawhin thu sawiin, A bialchhunga thil thar leh tangkai tak mai a awm tur chu lawmthu sawiin,khawtlang pawhin hlawkna a neih belh ngei a beisei thu a sawi a,a enkawlna kawngah leh bulding tih chantlunna tura mamawh an nei a nih pawhin a phak tawk leh a theih chin chinah a inhuam thu a sawi bawk.

          Tibal Sub-scheme hnuaia Building Pathumte sakna sum hi Ministry of Tribal Affairs,Govt of India atang in Cheng Nuai 950 hmuh a ni a; Heng buildingte sak hna hi November 2019 atang khan tan a ni.Tribal Girls Hostel sak nan hian Rs nuai 350 sen a ni a, Skill Developmement & training centre atan hian Rs nuai 300 leh Community Centre Vawmbuk atan hian Rs nuai 300 sen a ni.

          Building hawnna inkhawm hi LADC a Executive Members te Office Holderte, LADC Officerste leh DEO & DPC,Lawngtlai District leh Lawngtlai Vengpui khawtlang hruaitu ten an telpui a ni.

 

Written Published by: I& PRO, LADC Lawngtlai