RTI WEEK 2018 LAWNGTLAI-AH HAWN ANI. LADC EXECUTIVE MEMBER PU H. CHHUANAWMA’N A HMANPUI
Vawiin October ni 5, 2018 khan Lawngtlai District tana Right to Information (RTI) Week 2018 chu DC Conference Hall-ah inaugural function hman ani. RTI Week hawnna inkhawm hi Pu C. Lalhruaitluanga, DIPRO Chairman-na hnuaiah tan niin Chairman chuan RTI introduction sawiin, he hun hi Pu H. Chhuanawma, Executive Member i/c Information & Public Relations Department, LADC chuan Khuallian niin Week hawnna hi a nei ani.
Khuallian chuan Sorkar Department hrang hranga officers te, NGO hruaitute leh zirlai kalkhawmte chu chibai bukin, Lawngtlai District in RTI Week hawnna kan hmang thei chu lawmawm atih thu a sawi a, tunhma chuan Sorkar file-te chu confidential ani thin a, RTI Dan a awm hnu-ah erawh chuan mipuiten Sorkar hmalakna leh an hriat duhte chuan awlsam te in an dilchhuak theih tawh ani ati. Khuallian chuan tunlai khawvel changkang zelah thiamna te rawn sang zelin social media te a chak em ema, thu thehdarh a awlsam tawhin thuthang diklo leh belhchiandawllo tamtak thehdarh ani thin tih sawiin, Sorkar Schemes leh Projects hrang hrangte leh thildanga Sorkar hmalakna hrim hrim hrechiang duh chuan RTI hmanga dil thin turin a chah a, chu chuan mipuite hriatpui langtlang sorkar (transparent government) a siam dawn ani ati. Mipuite RTI hmanga information dil hrehlo tura chah nawn lehin anmahni pui turin Sorkar Department-te an inhuam reng ani ati.
Hemi hnu hian Resource Person Pu Lalsanglura, SDC chuan power-point presentation hmangin kalkhawmte chu RTI Act sawifiahna leh awareness pe in, open-discussion neih ani.
RTI Week 2018 hawnaa ah hian State leh District Council atangin RTI changtu officers SPIO leh SAPIO te, NGO leh tlawmngaipawl hruaitute, RTI activist leh zirlai thahnemtak kalin hun hlawhtling tak hman ani.
Written & published by
collins Ngurnunchhunga
AI&PRO
