Release Date: 2018-03-25 18:30:00

Lai Autonomous District Council Sorkar hmalakna kal zelah Pu Laltlawmlova Chinzah, Executive Member, i/c Land Resources, Soil & Water Conservation Department etc. chuan chuan date 21.3.2018 khan khawthlang Bial fangin, Diltlang leh Chawngte 'P' Bial chhung khaw hrang hranga rubber ching tura thlanchhuah chhungkaw engemawzat hnenah bul tanna tur financial assistance Cheng 5000 theuh a sem. Hemi rual hian Loneitute hman tur Chempui leh Bawngtuthlawh te pawh pek bawk an ni. Pu. Laltlawmlova chuan Rubber ching tura thlanchhuah chhungkua te chu taima taka thawk turin leh, Sorkar ina a beisei anga tipuitling ngei turin a chah a, tanpuina pawh a tuldan azirin Department in ngaihtuahsak an inhuam thu a sawia, assistance dawng chhunzawm tlaka hna thawk ngei turin a fuih bawk ani. Pu Laltlawmlova hi Pu C. Lalmuanvela, District Council Soil Conservation Officer, Pu H. Khumtira Soil R.O. leh official thenkhatin an tawiawm a, khaw hranga hrangah hun hi hmangin, kalkhawmte chu Pu C. Lalmuanvela DCSCO in powerpoint presentation hmangin awareness a pe bawk ani. Rubber ching tura thlanchhuah tehi Chhungkaw 265 an ni.